Këshillat e ADA-s për dentistët dhe pacientët

Emergjenca e koronavirusit ka prekur edhe Shtetet e Bashkuara të Amerikës. ADA është munduar të përshtasë modelin italian duke këshilluar që të ndiqen vetëm rastet emergjente. Në vijim janë disa këshilla për pacientët dhe dentistët

Cristoforo Zervos

Tema e COVID-19 është me rëndësi thelbësore edhe për praktikat dentare. ADA (American Dental Association), në bashkëpunim me CDC (Centers for Disease Control and Prevention), po informon qoftë pacientët qoftë personelin mjekësor, duke dhënë përgjigje më profesionale dhe të besueshme në lidhje me pandeminë.
Për momentin në SHBA ka rreth 330,891 raste të konfirmuara me COVID-19 dhe vijojnë të rriten në mënyrë periodike. Për këtë arsye ADA këshillon pacientët që të shtyjnë takimet që nuk janë shumë të rëndësishme në mënyrë që dentistët të mund të organizohen më mirë dhe të përqendrohen vetëm te rastet më urgjente.

Në vijim, kemi rigrupuar pyetjet më të shpeshta dhe më të rëndësishme të dentistëve amerikanë:
Po të aderojmë të gjithë ndaj masave standarde për të shmangur infeksionin, a mund të bëjnë diçka tjetër dentistët për të shmangur transmetimin e virusit në klinikat e tyre?
Disa rekomandime:
-Skrinimi/intervista e pacientëve në lidhje me udhëtimet ndërkombëtare, sinjalet ose simptomat e infeksionit ndëkohë që përditësojmë kartelën e tyre mjekësore.
-Përfshirja e matjeve të temperaturës trupore si pjesë e vlerësimit të rutinës së pacientit përpara se të kryhen procedurat dentare.
-Sigurimi se pajisjet mbrojtëse individuale (doreza dhe maska) që përdoren janë të përshtatshme për procedurat që kryhen.
-Sterilizimi i pajisjeve dhe instrumenteve pas çdo pacienti.
-Shpëlarja e gojës nga ana e pacientit me ujë të oksigjenuar 1% përpara çdo takimi. Koronavirusi është vulnerabël ndaj oksidimit; ndaj kjo do të reduktonte ngarkesën mikrobiale orale.
-Pastrimi dhe dezinfektimi i shpeshtë i të gjitha zonave publike të klinikës, duke përfshirë dorezat e dyerve, karriget, banjot dhe çelësat (e dritave, autoklavës, etj.) të pranishme në klinikë.
Çfarë mund të bëjmë në mungesë të maskave mbrojtëse?
Rritja e kërkesës botërore për pajisjet e mbrojtes individuale (DPI) ka provokuar mungesa të dukshme në Shtetet e Bashkuara. FDA që merret me rregullimin dhe monitorimin e disponibilitetit të pajisjeve mjekësore, duke përfshirë maskat, vazhdon të kontrollojë në mënyrë periodike zinxhirin e masave paraprake.Më 27 shkurt 2020, FDA ka referuar se ka kontaktuar me 63 struktura që përfaqësojnë 72 fabrika në Kinë të cilat prodhojnë pajisjet kryesore mjekësore. Disa nga këto struktura kanë referuar se janë prekur negativisht nga epidemia dhe kanë vështirësi me fuqinë punëtore, për shkak të karantinës së punëtorëve. Pavarësisht disa vështirësive të dukshme FDA ka deklaruar se nuk është në dijeni të mungesave specifike që janë përhapur, edhe sepse CDC dhe partnerë të tjerë amerikanë kanë parë një shtim të paqartë të kërkesave për disa produkte mjekësore. FDA-ja ka referuar edhe se po përshtat masa proaktive për të vendosur dhe për të qëndruar në kontakt me prodhuesit e pajisjeve mjekësore me qëllim që të plotësojnë dispozitat.

Cilat pytje duhet t'i bëjë dentisti pacientëve për të identifikuar simptomat e tyre dhe për të vendosur nëse do ta anulojnë një takim?
ADA rekomandon përditësimin e kartelës mjekësore të një pacienti në çdo vizitë. Këto pyetje të skrinimit mund të bëhen kur konfirmohen takimet ose kur pacienti paraqitet për trajtimin mjekësor. Pyetjet e përshtatshme për skrinimin e pacientëve për koronavirusin mund të përfshijnë një intervistë të shkurtër për të kuptuar nëse pacienti ka udhëtuar jashtë vendit gjatë 14 ditëve të fundit ose nëse ka pasur kontakt me dike që është diagnostikuar me COVID-19 duke evidentuar nëse pacienti ka kollë të thatë, temperaturë ose probleme respiratore.
Në prani të rasteve të dyshuara ose që janë gati të shpërthejnë i duhet thënë pacientit që të kontaktojë menjëherë mjekun ose departamentin përkatës të shëndetësisë për një vizitë apo test diagnostikues.

Çfarë ndodh nëse një pacient ka virus, por ka nevojë urgjente për kura dentare? Si duhet të procedojmë për t'i ardhur në ndihmë?
Nëse një pacient është një nga rastet e konfirmuar me COVID-19 dhe kërkon një trajtim stomatologjik urgjent, dentisti dhe mjeku që ndjek pacientin duhet të bashkëpunojnë për të përcaktuar masat e përshtatshme për çdo rast: ky trajtim i koordinuar është thelbësor për të garantuar se risku i një përhapjeje të mundshme të sëmundjes ndërmjet pacientëve, vizitorëve dhe personelit të mbahet në masën më të ulët të mundshme. Duke qenë se klinikat dentare nuk janë projektuar për të kryer të gjitha masat që mund të ofrojë një spital, dentistët dhe mjekët që kurojnë duhet të përcaktojnë nëse struktura është e përshtatshme për një potencial të mundshëm të infektuar. Mund të jetë e nevojshme që trajtimi të kryhet në një mjedis shëndetësor të ndrysëhm që ofron mbrojtje të përshtatshme.

Dentistët duhet t'i kërkojnë pacientëve që të presin në makinat e tyre derisa të jetë i mundur trajtimi, në mënyrë që të mos qëndrojnë të ulur në sallën e pritjes ku ka dhe persona të tjerë apo të ulen në zonat ku janë dhe njerëzit e tjerë?
CDC (Centers for Disease Control and Prevention) rekomandon distancimin e pacientëve kur është e mundur si mënyrë efikase për të reduktuar probabilitetin e transmetimit të koronavirusit. Më 7 mars 2020, agjencia ka përditësuar përkufizimin për distancën: "shmangni grupimet në masë dhe ruani distancën (rreth 2 metra) nga personat e tjerë kur është e mundur."

Për më tepër, ADA këshillon edhe përdorimin e këtyre rregullave të thjeshta:
-T'i kërkohet pacientit që të mos vonohet, e as të mos vijë përpara orarit, për të reduktuar në minimum sasinë e kohës që ata qëndrojnë në sallën e pritjes;
-Të hiqen revistat, lojërat apo objektet e tjera që mund të preken nga personat dhe që nuk mund të dezinfektohen.
-Të programohen takimet në mënyrë të tillë që të reduktohet sa më shumë të jetë e mundur kontakti me pacientët e tjerë në sallën e pritjes.

Përktheu: Valbona Spahia