Cilat janë emergjencat dentare? Indikacionet e ADA

ADA përshtat modelin italian por indikon se cilat janë shërbimet stomatologjike që duhen konsideruar si emergjente

Nga Davis Cussotto

Pandemia COVID-19 po prek gjithnjë e më shumë të gjithë Amerikën e Veriut. Duke ndjekur modelin italian ADA po vepron për rrjedhshmërinë e situatës dhe i kërkon qeverive të shteteve të veçanta apo Shoqatave Dentare Kombëtare që të vendosin për mbylljen e klinikave dentare, duke limituar aktivitetin vetëm në trajtimin e emergjencave.
ADA ka miratuar një dokument që qartëson se çfarë nënkupton me emergjenca dentare dhe tregon se menaxhimi i tyre duhet të bëhet vetëm me DPI të përshtatshme. Guida shërben për të adresuar dentistët, që sipas shënimit janë të vetmit që janë në gjendje të njohin me saktësi nevojat klinike të pacientit dhe janë të gjendje që të bëjnë zgjedhjen më të mirë.

ADA i ka ndarë emergjencat dentare në tre klasa:
Emergjencat dentare tout court: janë tre situata që mund të rrezikojnë jetën e pacientit:
1) Gjakrrjedhja e pakontrolluar.
2) Një inflamacion i përhapur bakterial i indeve intra dhe ektraorale që mund të bllokojë rrugët e ajrit.
3) Një traumë që përfshin pjesën maksilo-faciale me obstruksion të mundshëm të rrugëve të ajrit.

Kurat dentare urgjente: janë nëntë situata klinike që kërkojnë "kujdes të menjëhershëm të dentistit për të lehtësuar një dhimbje intense, riskun e infeksioni apo për të reduktuar aksesin në departamentet e emergjencës në spitale". Janë këshilluar trajtime minimalisht invazive.
1)    Pulpiti akut me dhimbje.
2)    Osteiti postekstraktim.
3)    Dysodontiasis e një molari të tretë.
4)    Absces me dhimbje dhe ënjtje.
5)    Frakturë dentare me dhimbje dhe traumë e indeve të buta.
6)    Traumë dentare me avulsion ose luksacion.
7)    Trajtim dentar që kërkohet përpara terapive mjekësore të rëndësishme.
8)    Cementimi përfundimtar i urave apo kurorave në rastin kur provizori është shkëputur apo frakturuar ose ka shkaktuar një irritim gingival.
9)    Biopsi e një lezioni të dyshuar.

Kura të tjera dentare urgjente janë gjashtë situata klinike që kanë nevojë për ndërhyrje:
1) Dhimbja nga kariesi dentar ose nga humbja e një restaurimi.
2) Heqja e suturës.
3) Riparimi i një proteze të lëvizshme.
4) Përshtatja e një proteze të lëvizshme te një pacient onkologjik në radioterapi.
5) Ripunimi i një mbushjeje provizore te një pacient në terapi endodontike me dhimbje apo absces të mëparshëm.
6) Dhimbja dhe irritimi i mukozës orale nga braketat, teli ortodontik ose piercing.

Në fakt duhen marrë në konsideratë edhe Procedurat dentare Routinë:
1)    Takimet për vizitat periodike të kontrollit.
2)    Seancat periodike të higjienës orale.
3)    Terapitë ortodontike (me përjashtim të C6).
4)    Ekstraktimet e elementeve asimptomatikë.
5)    Restaurimi që përfshin trajtimin e kariesit asimptomatik.
6)    Trajtimet estetike.

Përktheu: Valbona Spahia