Covid-19: rekomandimet që duhen përshtatur në praktikat dentare dhe në universitete

Autorët: L. Breschi, S. Chirico

Në këto ditë emergjence, në të cilat sëmundja epidemike e koronavirusit ka prekur në mënyrë dramatike të gjitha vendet nëpër botë, Prof. Breschi dhe unë kemi vendosur të përmbledhim disa udhëzime që ofrohen nga studimet e publikuara në International Scientific Journals ditët e fundit, për klinikat dentare por edhe për fakultetet dentare.

Ne e dimë që virusi Covid-19 mund të qëndrojë në sipërfaqe nga disa orë deri në disa ditë dhe që rrugët kryesore të transmetimit janë: spërklat respiratore, transmetimi me anë të kontaktit dhe transmetimi oral-fekal.

Për të shmangur transmetimin në klinikat dentare rekomandimet që duhen përshtatur janë si në vijim:
 - kufizimi i ndërhyrjeve vetëm me raste urgjente: për të vendosur nëse një rast është urgjent apo jo telefononi pacientin dhe pyeteni rreth problemit të tij. Nëse e konfirmoni që është urgjent, pyeteni më tej për shëndetin gjeneral dhe për kontaktet që ka pasur 14 ditët e fundit: temperaturë >37.3 ° C, kollë, vështirësi në frymëmarrje, dhimbje muskujsh, dhimbje koke gjatë ditëve të fundit.
- higjiena e duarve: lani duart tuaja shpesh me sapun dhe ujë ose dezinfektojini me një dezinfektat me bazë alkooli.
- dezinfektoni të gjitha sipërfaqet në ambjentet e klinikës
- kolutorët: rekomandohet 1% peroksid hidrogjeni ose 0.2% povidone me qëllim që të reduktohet ngarkesa salivare e mikrobeve orale, duke përfshirë edhe bartjen e mundshme të Covid-19.
- përdorimi i digës së gomës: përdorimi i saj mund të reduktojë në mënyrë të konsiderueshme prodhimin e aerosolëve të salivës dhe gjakut të kontaminuar. Kur aplikohet diga e gomës, suksioni me vëllim të lartë për aerosolët do të përdoret gjatë procedurave bashkë me suksionin e rregullt.
- pajisjet personale mbrojtëse: veshja e kapuçit, syzeve, mbrojtëses së fytyrës, rrobave të punës (përparëses së bardhë) duke izoluar rrobat e veshura dhe maskat FFP2-standarde të vendosura nga Bashkimi Evropian.

Rekomandimet për shkollat dentare: 
- leksionet online,
- studimet e rasteve online,
- tutorial-et online për mësimin e bazuar te problemi (PBL).
Si përfundim, Prof. Breschi dhe unë besojmë se në këtë periudhë emergjence, të gjithë ne, duhet të kontribuojmë në reduktimin e riskut të Covid-19, të ruajmë shëndetin e pacientëve tanë, bashkëpunëtorëve tanë por edhe vetes tonë, duke respektuar rregullat që na janë dhënë dhe të qëndrojmë në shtëpi.

Për më shumë informacione:
- Transmission routes of 2019-nCoV and controls in dental practice
- Coronavirus Disease 2019 (COVID-19): Emerging and Future Challenges for Dental and Oral Medicine

Përktheu: Valbona Spahia