Si të menaxhojmë inaktivitetin për një kohë të gjatë

Nga Davis Cussotto

Ndoshta nuk i kishte ndodhur më parë asnjërit prej nesh: të kalojë një periudhë kaq të gjatë ndërmjet mureve të shtëpisë të bombarduar nga mesazhe alarmuese që shtojnë dyshimet, pasiguritë dhe ushqejnë frikën ndërmjet popullsisë.
Frika, një nga emocionet më të vjetra, është e vështirë që të menaxhohet kur përfshin pacientët, bashkëpunëtorët, familjarët dhe vë në provë vetëkontrollin tonë. Giuseppe Pantaleo, psikolog social në Universitetin e S. Raffaele na shpjegon që një numër i lartë i sigurisë në njësinë e kohës ka një efekt të kundërt për bashkëbiseduesin, ndaj më mirë pak informacione të sakta.
Më kujtohet fraza e nënës sime që më ka shoqëruar në fëmijëri kur qaja gjatë vizitave dentare: "Dentisti nuk do të të bëjë asgjë!" PNL e Bandler na ndihmon duke na mësuar se gjendja shpirtërore pozitive është çelësi për të interpretuar realitetin dhe duke e kultivuar mund ta transmetojmë te bashkëbiseduesi duke e ndihmuar që të fitojnë kundrejt emocioneve negative.

Për të menaxhuar sa më mirë kohën e lirë gjatë këtyre ditëve dhe për të qenë më produktiv, le të provojmë të krijojmë tre zakone:
1) Si fillim t'i dedikojmë një gjysmë dite riorganizmit të tavolinës dhe zyrës ku punojmë; kryejmë atë aktivitet të quajtur decluttering: eliminojmë dokumentet e padobishme, depliantët dhe katalogët që janë pluhrosur, objektet e padobishme dhe gjërat e tjera që nuk i përdorim prej vitesh. Pastrimi i ambjentit të punës është thelbësor, zgjedhja dhe eliminimi kanë një efekt real, na çlirojnë nga negativitetet e së shkuarës, na ndihmojnë të rritim vetëbesimin, na ndihmojnë të krijojmë gjendjen pozitive që kërkojmë.
2) Kultivojmë "shëndeti është e mira jonë më e madhe" (Carlo Guastamacchia). Ecja apo vrapimi edhe për vetëm gjysmë ore në ditë na largon nga divani, nga zhurma e rrjeteve sociale dhe nga chat-et e na ndihmon që të mos tejkalojmë kaloritë në një periudhë kur kërkesa ditore për energji është reduktuar. Sigurisht, dekrete të shumta lejojnë aktivitetin motorik në mjedis të hapur vetëm në afërsi të shtëpisë apo në oborrin e saj, në mënyrë që të ruhet distanca e sigurisë.
3) Nëse nuk është e mundur një ecje apo vrapim përreth shtëpisë, nuk mbetet gjë tjetër veçse të zgjedhim një libër të mirë, një roman, një tekst që lidhet me profesionin tonë apo diçka që na përfshin. Nëse nuk na gjendet asnjë libër i palexuar më parë në shtëpi mund të blejmë një E-book në mënyrë që të kalojmë kohën me diçka tjetër veç rrjeteve sociale.
4) Mendërisht të përgatitur mund të shfytëzojmë kohën në dispozicion si një mundësi për të bërë projekte për jetën dhe punën; të merremi me kërkime dhe zhvillimet e fundit për veten dhe për aktivitetin tonë profesional.

Për këtë qëllim, po ju rendis disa pyetje:
- A kemi një ëndërr në sirtar?
- A duam të fillojmë të trajtojmë apneat nokturne apo të vëmë në zbatim zgjidhje terapeutike dhe materialet që mund të ofrojë dentistria dixhitale?
- Punojmë ende në një klinikë me babain (apo nënën) dhe nuk kemi guxim të dalim të punojmë më vete?
- Jemi afër pensionit dhe duam ta mbyllim klinikën por struktura nuk është shumë tërheqëse për një blerës apo bashkëpunëtor tjetër?
- Kemi zbuluar kriticitetin menaxhues për të cilin nuk kemi pasur kurajon që t'ja parashtrojmë vetes?
- Kemi ndjesinë se punojmë më shumë tani krahasuar me të shkuarën, por kemi një marzh fitimi më të ulët?

Përgjigja për pyetjet e cituara më lart është që të shfrytëzoni momentin për t'u menduar dhe organizuar. Një organizim që kalon edhe nëpërmjet formimit personal dhe të ekipit të punës dhe futja progresive apo e kalibruar e teknologjive të reja në brendësi të klinikës.
Kjo është një mundësi e madhe, ndoshta unike, për të qenë të vetëdijshëm që objektivat tona të vogla dhe të mëdha të arrihen. Ndërgjegjësimi është hapi i parë që çon në rritje personale.

Në kujdesin e: Davis Cussotto, autor i vëllimeve: "Il passaparola nello studio odontoiatrico", "Digital marketing per odontoiatri"

Përktheu: Valbona Spahia