Intervista telefonike dhe informacionet mbi pacientin

Intervista telefonike është një nga procedurat e reja që do futet në zbatim pas rifillimit të punës për shkak të emergjencës nga COVID-19. Kjo intervistë ka si qëllim njohjen e pacientëve bartës të mundshëm të infeksionit nga SARS-CoV2 përpara se të paraqiten në klinikë për trajtimin.

 
Ajo përcaktohet si një pikë kyçe në këtë fazë të dytë të pandemisë duke qenë se ka një rëndësi të madhe në kuptueshmërinë e tipologjisë së pacientit që do të vijë për trajtim dhe për të kuptuar nëse klinika është në gjendje të marrë përsipër një pacient që është i riskuar nga COVID-19. Edhe në këtë rast indikacioni është që të mos trajtohet nëse nuk ka probleme klinike që nuk mund të spostohen në kohë. 
Në një dokument të miratuar nga Ministria e Shëndetësisë në Itali i është këshilluar profesionistit që të kryejë një intervistë telefonike, të informojë pacientin që në pajtim me rekomandimet në fuqi dhe për të tuteluar shëndetin e tij do të kryhet një intervistë e shkurtër për gjendjen e tij shëndetësore aktuale, duke e siguruar që bëhet fjalë për pyetje të përgjithshme që i drejtohen të gjithë pacientëve që kërkojnë shërbim dentar. Profesionisti që kryen intervistën në fund të saj e informon pacientin nëse mund të paraqitet në klinikë dhe për orarin kur duhet të paraqitet duke i bërë me dije se duhet të jetë i pajisur me maskë.

 
Përsa i përket intervistës që duhet kryer kur pacienti të paraqitet në klinikë është indikuar që të përsëriten edhe njëherë pyetjet e bëra në intervistën telefonike duke ja bashkangjitur atë kartelës klinike të pacientit. Motivi se përse duhet të përsëritet intervista edhe në klinikë është për dy faktorë kryesorë:
1.Koha e inkubimit të COVID-19 varion nga 2 deri në 14 ditë, prandaj pacienti mund të ketë ndjerë ndonjë nga simptomat pas intervistës telefonike.
2.Përsëritja e intervistës na lejon që të përjashtojmë kontakte të mundshme që mund të kenë riskuar pacientin nga infektimi në periudhën nga marrja e intervistës telefonike deri në momentin e ardhjes në klinikë.   
Në fund të intervistës në klinikë dokumenti duhet firmosur nga pacienti dhe të bashkëngjitet në kartelën e tij klinike.

Përktheu: Valbona Spahia 

Për të votuar duhet të vendosni kredencialet tuaja në Medikey

Interesant ( 29 votim / mesatar 3 )