Covid-19 dhe ajri i kondicionuar: saktësimet nga Consejo General de Dentistas

Dokumenti i Consejo General de Dentistas (Spanjë) për përdorimin e ajrit të kondicionuar në klinikë dhe mbi procedurat që duhen përshtatur për parandalimin e përhapjes së Covid-19

Lorena Origo

Masat e sigurisë që Consejo General de Dentistas (CGD) rekomandon për të përshtatur në periudhën e rikthimit të aktivitetit në klinikat dentare për parandalimin e përhapjes së Covid-19 kanë gjeneruar disa dyshime, veçanërisht rekomandimi për mospërdorimin e ajrit të kondicionuar të qendërzuar nëse lidhen zonat e përbashkëta me zonën klinike.
Për t'iu përgjigjur kësaj CGD ka përgatitur një raport specifik në lidhje me ajrin e kondicionuar, purifikimin e ajrit dhe ajrosjen e zonës klinike, edhe pse duke parë që provat aktuale janë shumë të pakëta, bëhet fjalë për një dokument të përditësuar në mënyrë konstante.

Pjesa më e madhe e protokolleve ndërkombëtare rekomandon për dentistët që të konsultohen me prodhuesit e implantit të ajrimit për të verifikuar llojin e ventilimit të instaluar dhe filtrat e mundshme. Gjithashtu, të gjitha protokollet, pa përjashtim, rekomandojnë reduktimin në minimum të përdorimit të aerosolëve në zonën klinike, duke mbajtur derën e mbyllur dhe duke e ajrosur pas çdo pacienti.

Këto rekomandime shoqërohen nga ato për përdorimin e aspirimit me fluks të lartë dhe të izolimit absolut. Për më tepër të shumta janë edhe sugjerimet për instalimin e sistemeve të ventilimit dhe/ose purifikimit të ajrit për të gjitha ambientet pa mundësinë e ajrosjes natyrale ose kur është e nevojshme për shkak të kushteve klimatike.

Në raport janë përmendur edhe specifikat teknike në bazë të sistemit të kondicionimit, purifikimit dhe ajrosjes si edhe e gjithë bibliografia ekzistuese. Në dokument është theksuar edhe që kurdo që të vendoset për përdorimin e sistemit të kondicionimit është e përshtatshme që:
- nëse përdoren filtrat HEPA, duhet të jenë të kategorisë H13 ose më lart;
- të ndryshohen filtrat një herë në javë;
- të mos përdoret sistemi i kondicionimit kur po gjenerohet aerosol ose gjatë procedurave të higjienizimit dhe pastrimit;

Në një ambient me temperaturë 21°, shkalla e lagështisë është shumë e rëndësishme për normën e mbijetesës së virusit që për shembull dyfishohet me shtimin e lagështisë nga 30 deri në 50%.

Përktheu: Valbona Spahia