Nga DentalPro 10 këshillat për të siguruar pacientët

Sipas prof.Baruch është thelbësore që të informohen dhe edukohen pacientët pasi bashkëpunimi i tyre do të jetë vendimtar në këtë fazë

Pas hapjes graduale edhe klinikat dentare të DentalPro kanë rifilluar aktivitetin dhe në periudhën post-koronavirus po përshtasin protokolle me rregulla për të garantuar siguri për profesionistët dhe pacientët. Një konferencë virtuale për shtyp është zhvilluar për të njoftuar në lidhje me rrugëtimin e ri Covid-safe që do të mirëpresë pacientin gjatë rikthimit të tij në trajtimet dentare pas periudhës së karantinimit por edhe për profesionistët. Disa nga këto indikacione i kemi përmendur në artikujt e mëparshëm të Gruppo Michel Cohen dhe Samuele Baruch, Drejtor Shkencor i Grupit DentalPro.
Përballë protokolleve të sigurisë që janë vënë në dispozicion në klinikat e Grupit është konfirmuar edhe sesi këto respektojnë indikacionet ministeriale dhe për disa arsye janë edhe më shtrënguese sesa ato që janë rekomanduar nga Entet sepse një klinikë shëndetësore e strukturuar si e jona duhet të sigurohet që të respektojë në mënyrë homogjene masat në të gjitha qendrat e saj, ka rikujtuar Cohen.

Në këtë konferencë për shtyp është paraqitur edhe check-list e pacientit (e cila është redaktuar nga Komiteti Mjekësor-Shkencor DentalPro) që paraqet në 10 pika indikacionet e dobishme për të sqaruar dyshimet dhe për të sigurar ata që ende kanë frikë të vijnë në klinikë:
1.Në momentin në të cilin kontaktohet nga struktura, të verifikohet që profesionistët të procedojnë me një intervistë telefonike (pyetje në lidhje me gjendjen shëndetësore, apo kontakte të mundshme me pacientë pozitivë, etj.) të informohemi për mundësinë e kryerjes së një konsulte me video të drejtuar nga stomatologu, në mënyrë që të kuptohen më mirë nevojat dhe niveli i prioritetit të vizitës, veçanërisht për individët e dobët ose me vështirësi ekonomike.
2.Të paraqiten në klinikë të pa shoqëruar. Nëse nevojitet asistencë të lajmërohet stafi i klinikës më parë dhe të kërkohet që shoqëruesi të presë jashtë.
3.Të kontrollohet nëse ka maskë dhe ta vendosë atë përpara se të hyjë në klinikë. Të sigurohemi që i gjithë stafi (adminstrativ dhe shëndetësor) është i pajisur me maskë.
4.Kur pacienti mbërrin në klinikë, të sigurohemi që intervista të përsëritet, të matet temperatura dhe të jepen indikacione të higjienizimin e duarve dhe për procedurat që do të kryhen më pas në klinikë.
5.Të dorëzohen sendet personale në recepsion dhe në sallën operative të merren me vete sa më pak sende të jetë e mundur.
6.Përpara futjes në sallën ku do kryhet trajtimi të verifikohet që nuk ka shumë persona dhe të ruhet gjithmonë distanca e duhur fizike ndërmjet tyre (1,5 - 2 metra)
7.Të kontrollohet që në sallën e pritjes dhe në hapësirat e përbashkëta të mos lihen revista apo objekte të tjera të padobishme që mund të jenë transmetues të virusit.
8.Të sigurohemi, që pas çdo pacienti të higjenizohen ambientet dhe të sterilizohen të gjitha instrumentet e punës.
9.Të verifikohet që dentisti dhe pjesa tjetër e stafit të vendosë maskën, syzet apo mbrojtësen e fytyrës, kapuçin, përparësen mbrojtëse dhe dorezat.
10.Edhe disa problematika që kërkojnë vizita të shkurtra si prania e një dhimbjeje dhëmbi, inflamacioni i mukozës, abscesi, trauma dentare, shkëputja ose thyerja e protezave, nuk duhen shtyrë nga frika e paraqitjes në klinikë. Protokollet aktuale të sigurisë mbrojnë edhe pacientët edhe profesionistët.

Përktheu: Valbona Spahia