Covid-19: Impakti i SARS-CoV2 në klinikat dentare në Gjermani

Karantinimi në Gjermani ka provokuar një impakt ekonomik shumë negativ edhe për praktikën stomatologjike. Të dhënat nga një kërkim i Berlin Institute

Cristoforo Zervos

Për të parandaluar përhapjen e SARS-CoV2 (Covid-19) entet rregullatore të të gjithë botës kanë përshtatur politika apo metodologji të ndryshme ndërmjet të cilave është edhe karantinimi i detyruar me kufizime të lirisë individuale. Një studim interesant i publikuar në "Journal of Dentistry", i kryer nga Falk Schwendicke, Joachim Krois dhe Jesus Gomez, nga Universitätsmedizin Berlin dhe nga Berlin Institute for AI and Health Policy, ka analizuar impaktin ekonomik të këtyre politikave në klinikat dentare në Gjermani në bazë të një modeli ad hoc.

Është marrë në ekzaminim një kampion dentistësh të shërbimit shëndetësor kombëtar gjerman dhe janë klasifikuar në dy grupe (S1/S2): volum i ulët/i lartë shërbimesh mjekësore; volum i ulët/i lartë i shërbimeve të ofruara që mbulohen nga Ssn gjermane; numër i ulët/i lartë i personelit apo kostove të klinikës.
Shpenzimet e ndryshme janë klasifikuar në kategori të ndryshme (personale, materiale, të klinikës apo të tjera). Është kryer një sondazh telefonik në 24 mars dhe në 2 prill 2020 në një kampion të rastësishëm prej 300 dentistësh gjermanë (me 146 përgjigje të dobishme), për të përcaktuar ndryshimet në shërbimet e kryera në kategoritë e ndryshme, duke përdorur "zinxhirin e Markov" (një model në të cilin kalimi nga një gjendje në një tjetër kryhet në bazë të probabilitetit, në vend të përcaktimeve) në 100 praktika dentare në çdo grup (S1 e S2) për një total prej 365 ditësh. Më pas janë marrë në ekzaminim periudha të ndryshme kohore nën ndikimin e Covid-19 (Rasti bazë: 90 ditë, 45 ditë dhe 135 ditë).
Më pas është aplikuar "Metoda Monte-Carlo" (metoda numerike që bazohet në procedimet e probabilitetit, që është përdorur në statistikë për zgjidhjen e problemeve me natyrë të ndryshme).
Rezultatet kanë vendosur se karantinimi ka reduktuar përdorimin e të gjitha shërbimeve dentare më të rëndësishme: ato që kanë të bëjnë me parandalimin (mesatarisht -80%), periodontologjinë (-76%) dhe asistencën (-70%). Në rastin bazë (90 ditë), reduktimet mesatare të hyrjeve ekonomike kanë qenë respektivisht për S1/S2 me 18,7%/15,7% për rastet me mbulim nga Ssn, me 18,7/18,6% për rastet me mbulim nga sigurimet private dhe me 19% në të dy grupet për pacientët që nuk kanë pasur mbulime shëndetësore.

Në rastin e 135 ditëve, hyrjet kompleksive janë zvogëluar me 31%/30% në S1/S2 me një negativ të dobishëm neto në vit me 29%/12% (S1/S2).
Në mënyrë të përmbledhur këto rezultate të masave shtrënguese që janë përshtatur nga autoritetet për COVID-19 kanë pasur një impakt ekonomik shumë negativ edhe për praktikën stomatologjike.
Ky element duhet të konsiderohet nga autoritetet në momentin e projektimit të subvencioneve qeveritare dhe atyre të rrjeteve të sigurisë sociale që kanë si qëllim lehtësimin e problemeve ekonomike qoftë për një kohë të shkurtër qoftë për një periudhë afatmesme. Studimi këshillon dentistët që të marrin në konsideratë riorganizimin e protokolleve organizative të brendshme dhe të kujdesen për të reduktuar kostot dhe për të ruajtuar një profitabilitetit minimal.

Përktheu: Valbona Spahia