COVID-19 dhe stomatologët: çfarë po ndodh në Evropë

Në këto javë pandemie dhe post-pandemie CED ka monitoruar gjithmonë situatën e stomatologjisë evropiane. Të dhënat e zbuluara.

Cristoforo Zervos

Këshilli Evropian i Dentistëve (CED), që drejtohet nga Marco Landi, ka kryer, që nga ditët e para të pandemisë, një veprim verifikues duke kryer edhe sondazhe (javore) me qëllim që të monitorohet situata e stomatologjisë evropiane këto muaj kaq problematikë, edhe për të kuptuar evoluimin dhe kriticitetin e situatës.
Sondazhet përfshijnë pyetje që lidhen me kufizimin e aktivitetit klinik gjatë fazës kritike të epidemisë; mungesës së pajisjeve të mbrojtjes personale; masave të ndihmës nga qeveritë përkatëse për stomatologët dhe personelin e tyre; kthimin aktual në aktivitetin klinik; ekzistencën në shumë vendeve të rekomandimeve ose protokolleve për reduktimin e risqeve; nëse ka pasur modifikime të TVSH-së së aplikuar për pajisjet e mbrojtjes personale; të dhënat e personelit stomatologjik që preket nga infeksioni i COVID-19; testet e kryera te stomatologët/ekipi stomatologjik dhe testet te pacientët përpara trajtimeve.
CED ka marrë përgjegjësinë për të mbledhur informacione, për të filtruar "lajmet e rreme" dhe për të kryer dialogun me autoritetet dhe organizatat shëndetësore kombëtare dhe ndërkombëtare. Një detyrë e jashtëzakonshme që ka pasur nevojë për shumë punë në koordinimin e kërkimeve nëpërmjet rregullave dhe normave kombëtare të ndryshme duke kërkuar identifikimin e parametrave të referimit të zakonshëm.

Duke i qëndruar raportit të shpërndarë në mes të qershorit, të dhënat e tij tregojnë se aktualisht vendet evropiane kanë filluar të normalizojnë trajtimet stomatologjike. Franca ndryshe nga të gjithë vendet e tjera ka siguruar trajtime stomatologjike edhe gjatë periudhës së karantinës. Pas një periudhe ku pothuajse kishte një mungesë totale të pajisjeve për mbrojtjen personale, në disa vende kjo situatë po zgjidhet, edhe pse ka pasur një përhapje të denoncimit për një rritje në mënyrë joproporcionale të çmimeve. Kjo ka sjellë që në një të katërtën e vendeve evropiane të shtohen shpenzimet stomatologjike që kanë pasur kosto fikse. Megjithatë, në pjesën më të madhe të shteteve, për shkak të një situate ekonomike në rënie është vendosur që të mos i ngarkohen pacientëve të tilla pasoja.

Ndërmjet të dhënave të zbuluara është evidentuar se pothuajse të gjitha vendet kanë pasur protokolle ose udhëzime rekomanduese, qoftë nga Ministria e Shëndetësisë, qoftë nga shoqatat e ndryshme stomatologjike të pranishme në vende të ndryshme evropiane. Për më tepër, në të gjitha vendet e BE-së përveç Bullgarisë, Finlandës, Islandës, Irlandës dhe Suedisë, janë dhënë ndihma ekonomike për të përballuar periudhën e krizës.
Sondazhi zbulon edhe që, përveç disa përjashtimeve (Hungaria, Qipro, Rep. Çeke, Letonia, Malta, Portugalia, Spanja) nuk ekziston një regjistër specifik për stomatologët dhe stafin e tyre që është prekur nga Koronavirusi. Së fundi, një e dhënë tjetër interesante ishte në lidhje me testin (ai i tamponit dhe testi sierologjik) kundër COVID-19, i cili kryhet gjerësisht për stomatologët dhe stafin e tyre vetëm në Hungari, Qipro, Greqi, Finlandë, Greqi, Islandë, Itali, Holandë, Norvegji, Sllovaki, Maltë.

Përktheu: Valbona Spahia