| 8 Korrik 2020 |

Hipertensioni: kur nevojitet që të shtyjmë një seancë stomatologjike?

American Dental Association inkurajon dentistët që të matet presioni arterial përpara ndërhyrjeve stomatologjike, veçanërisht tek individët që janë me hipertension

Nga Lara Figini

Një sugjerim i bërë në vitin 1974 dhe i rikonfirmuar në vitin 2006 nga American Dental Association inkurajon dentistët që të matin presionin arterial përpara ndërhyrjeve stomatologjike, veçanërisht tek individët me hipertension.
Manovrat stomatologjike (duke nxitur shpesh frikë, ankth dhe dhimbje) predispozojnë ndaj një ngritjeje të presionit arterial që përmblidhet më pas nga vlerat e larta të tij.
A mund të jetë kryerja e manovrave stomatologjike gjithmonë e sigurt edhe në rastin e hipertensionit apo është më mirë që të shtyhen?

Tipologjia e kërkimit dhe modaliteti i analizës
Në një rishikim të publikuar te JADA në prill 2020, autorët duke përdorur Ovid MEDLINE me një strategji kërkimi të vendosur më parë, kanë ekzaminuar studimet e publikuara më parë në literaturë rreth anulimit të çdo procedure dentare ose kirurgjikale për shkak të presionit të lartë të gjakut (hipertensionit). Autorët kanë bashkëpunuar në zhvillimin e rekomandimeve sipas udhëzimeve të 2017 mbi këtë argument.

Rezultate
Nga ky rishikim autorët kanë gjetur studime me evidenca klinike që nxjerrin në pah nevojën për anulimin e trajtimeve stomatologjike për shkak të presionit të gjakut shumë të lartë.

Konkluzione
Në mungesë të studimeve që indikojnë se kur të anulohen procedurat stomatologjike për hipertensionin autorët këshillojnë:
- kur kemi të bëjmë me një presion gjaku BP pre-operativ më të ulët se 180/110 mm Hg (pa shenja dhe simptoma të angina pectoris ose insuficencës kardiake akute kongjestive) nuk ka indikacione për anulimin ose shtyrjen e një procedure dentare;
- kur kemi të bëjmë me një presion gjaku BP më të lartë se 180/110 mm Hg bëhet vlerësimi i riskut siç sugjerohet në tabelën 1.

Nëse pacienti ka të paktën një përgjigje afirmative qoftë nga kategoria A qoftë nga kategoria B, procedura mund të kryhet. Nëse nuk ka asnjë përgjigje afirmative nga kategoria A apo nga kategoria B, sugjerohet një diskutim i menjëhershëm me mjekun që e ka ndjekur apo kardiologun për të vlerësuar risqet/përfitimet për të vijuar me trajtimin stomatologjik.

Tabela 1 Kategoria e ndarjes së risqeve

Kategoria A - Pacienti po merr barna anti-hipertension dhe i ka marrë edhe sot? - Pacienti ka një mjek kardiolog që e ndjek për hipertensionin dhe është vizituar në 6 muajt e fundit? - Pacienti shfaqet në ankth, e njeh ankthin për procedurën që do kryhet ose ka një frekuencë kardiake >100 rrahje në minutë?

Kategoria B -Pacienti ka ardhur me mjete të transportit publik, me makinë personale ose në këmbë në klinikën dentare? - Pacienti kujdeset vetë për shtëpinë? - Pacienti afirmon që mund të ngjisë shkallët?

 
Implikacione klinike
Stomatologu duhet të marrë në konsideratë që përballë pacientëve me hipertension, me BP më të lartë se 180/110 mm Hg, është mirë që të këshillohen me mjekun/kardiologun që i ndjek për hipertensionin përpara se të vijohet me trajtimet stomatologjike kirurgjikale ose ato që kërkojnë anestezi.

Për më shumë informacione:
Yarows SA, Vornovitsky O, Eber RM, Bisognano JD, Basile J. Canceling dental procedures due to elevated blood pressure Is it appropriate? JADA 2020 Apr;151(4):239-44.

Përktheu: Valbona Spahia