Physiological Regulation Dentistry: një mënyrë e re për të kuptuar trajtimet stomatologjike

Një trajtim i ri klinik i bazuar në mjekësinë e sistemeve, për trajtimin e sëmundjes periodontale, që në Itali prek 60% të popullsisë

Shëndeti është rezultat i integrimit të aspekteve mjedisore, sociale, biokimike, imunitare neurologjike, endokrine dhe emocionale. Kjo mund të jetë sinteza e përkufizimit të Physiological Regulation Dentistry (PRD), rënia graduale në sensin stomatologjik të konceptit aktual të Systems Medicine. Pra, stomatologu po bëhet gjithnjë e më shumë "mjeku oral".
Për këtë është folur edhe në një event të organizuar online në Itali nga një kompani e njohur farmaceutike, e cila është lider në mjekësinë me origjinë biologjiko-natyrale.
Tashmë është vënë re sesi shumë kushte gjenerale të shëndetit rritin riskun e sëmundjeve orale. Ekzistojnë lidhje ndërmjet malokluzionit dentar dhe ndryshimeve të posturës së trupit dhe ndërmjet periodontitit e patologjive të aparatit kardiovaskular apo diabetit.
"Për shembull," - shpjegon Vincenzo Macrì, stomatolog dhe zëvendës president i AIO, - "diabeti lidhet ngushtë me periodontitin (një formë e rëndë e inflamacionit gingival). Por edhe pulmoniti, forma të ndryshme tumorale, sëmundjet autoimune (si artiti reumatoid) apo sëmundjet neurodegjenerative."
"Anasjelltas," - vijon ai, - "problemet e gojës kanë një impakt negativ në pjesën tjetër të trupit: studime të fundit që janë kryer në një shkallë të gjerë konfirmojnë se bakteret përgjegjëse për gingivitin dhe periodontitin mund të kryejnë një rol të rëndësishëm edhe në fillimin e sëmundjeve kardiovaskulare dhe iktusit. Mungesa e një apo më shumë dhëmbëve, zhvendosja e tyre, një mbushje e thellë, bruksizmi (fërkimi i pavullnetshëm i dhëmbëve) mund të shkaktojnë shqetësime lokale si dhimbja e kokës, dhimbje e muskujve mastikatorë dhe ngurtësim të qafës apo shqetësime të gjeneralizuara me përsëritje te shpatullat, shpina dhe legeni."

Physiological Regulating Dentistry (PRD), pra evolucioni i stomatologjisë moderne
Edhe pse e lokalizuar në nivelin e zgavrës orale, sipas paradigmës së re të Physiological Regulating Dentistry (PRD), simptoma është gjithmonë epifenomeni i një çekuilibri të përgjithshëm të organizmit: vetëm duke u lidhur me shenjat e tjera klinike mund të kuptohet në tërësinë e saj. Me fjalë të tjera: çdo sëmundje, duke përfshirë edhe atë stomatologjike, është një sëmundje sistemike dhe si e tillë duhet të përballohet dhe trajtohet.
PRD, kanë theksuar ekspertët, në ditët e sotme hapet për profesionistët dhe pacientët me një inkuadrim klinik, të ri dhe të plotë, që lejon diagnostikimin e shkaqeve multifaktoriale të sëmundjeve të zgavrës orale dhe ndërhyrjen me terapi poli-shkakësore, të sakta dhe me siguri të lartë.
Physiological Regulating Dentistry (PRD) lejon një gamë të gjerë zgjidhjesh në fusha të ndryshme të ndërhyrjes stomatologjike:
- Kirurgji
- Periodontologji
- Çrregullime të artikulacionit temporo-mandibular
- Stomatologjinë rigjenerative
- Konservativë
- Menaxhim i ankthit
- Detoksifikim

"Deri para disa vitesh ishte e paimagjinueshme që të lidheshin ndërmjet tyre sëmundje të ndryshme sistemike që nuk janë të transmetueshme dhe të bëhej më tej lidhja e tyre me patologjitë e zgavrës orale," - ka thënë Francesco Santi, mjek kirurg dhe specialist në stomatologji.
"Edhe pse është pikërisht kjo çështje që është treguar nga ky kërkim: situata të ndryshme si diabeti, sëmundjet kardiovaskulare, disa tumore dhe shumë sëmundje të tjera që njohin në inflamacionin kronik një mekanizëm patogjenik të pëbashkët. Dhe këtu goja, nëpërmjet sëmundjes periodontale mund të ketë një rol kyç. Physiological Regulating Dentistry niset pikërisht nga njohja e kësaj lidhjeje dhe na ofron një arsenal terapeutik efikas për të ndërhyrë në inflamacionin lokal apo sistemik."

Përktheu: Valbona Spahia