Stomatologët spanjollë mund të kryejnë testin diagnostikues për të identifikuar COVID-19

Mund të kryhen qoftë përpara procedurës, qoftë te pacientët që mund të dyshohen për infeksionin

Lorena Origo

Me urdhrin SND/344/2020 të datës 13 prill, Ministria e Shëndetësisë në Spanjë ka vendosur se kryerja e testimeve diagnostikuese për zbulimin e COVID-19 duhet të bëhet nga një mjek.
Nga ana tjetër, në dokumentet e publikuara dhe të përditësuara nga ministria (që i referohen udhëzimeve për kryerjen e testeve diagnostikuese për identifikimin e COVID-19), pavarësisht strategjisë së diagnozës, mbikëqyrjes dhe kontrollit të transmetimit të sëmundjes apo diagnozës së parakohshme në rastet e dyshuara, duke insistuar mbi faktin që hetimet e nevojshme duhet të kryhen nëpërmjet PCR, sipas kritereve të miratuara nga autoriteti i lartë shëndetësor i vendit.

Sipas protokolleve që ndiqen aktualisht në qendrat spitalore të vendit, përpara çdo procedure të ndërhyrjeve kirurgjikale të programuara në një pacient duhet të kryhet PCR. Stomatologët kryejnë rregullisht ndërhyrje kirurgjikale, prandaj Ministria e Shëndetësisë spanjolle e ka cilësuar si thelbësore, që duke qenë se edhe stomatologët kanë statusin e mjekut mund të kryejnë këtë test, qoftë përpara procedurës kirurgjikale qoftë te pacientët që dyshohen për infeksionin, si masë parandaluese për të minimizuar së fundmi risqet e infektimit, duke pasur parasysh vatrat aktuale dhe faktin që një numër i madh i individëve janë asimptomatikë.

Presidenca i Këshillit të Përgjithshëm të Stomatologëve ka bërë disa konsultime për këtë çështje, duke konfirmuar faktin që dentistët janë plotësisht të kualifikuar për të kryer të gjitha testet diagnostikuese që duhen për zbulimin e infeksionit nga SARS-CoV-2, duke përfshirë PCR-në.
Bëhet fjalë për një çështje me rëndësi maksimale për profesionistët sepse përveç kryerjes së aktivitetit profesional me garancitë maksimale të sigurisë qoftë për stomatologët qoftë për pacientët dhe personelin ndihmës, në këtë moment delikat kjo njeh rolin e rëndësishëm të kategorisë në brendësi të rrjetit kombëtar të mbikëqyrjes epidemiologjike të zinxhirit të diagnostikimit të parakohshëm dhe kontrollin e pandemisë.

Është e rëndësishme që të theksojmë se testet diagnostikuese duhet të kryhen në laboratorët klinikë të autorizuar për këtë qëllim. Duke trajtuar një sëmundje me simptoma, qendrat duhet të informojnë autoritetet shëndetësore kompetente mbi rastet e COVID-19 të konfirmuara pas kryerjes së testit diagnostikues.
Në fund, ministria ka konfirmuar në dokumentin teknik "Instruksione mbi kryerjen e testit diagnostikues për zbulimin e COVID-19", të përditësuar më 30 qershor, që ekzaminimet e bazuara mbi zbulimin e shpejtë të antigjeneve dhe antitrupave nuk janë konsideruar të përshtatshëm për diagnostikimin e infeksionit akut.

Përktheu: Valbona Spahia