Mbrojtja e vërtetë nga spërklat e pështymës me mbrojtëset e fytyrës dhe maskat

Një seri videosh të realizuara nga Florida Atlantic University tregojnë nivelin e mbrojtjes me pajisjet e ndryshme për mbrojtjen personale nga shpërndarja e spërklave

Maskat dhe mbrojtëset e fytyrës janë pajisjet më të indikuara për mbrojtjen personale për të parandaluar infektimin me Covid-19 duke kontribuar në limitimin e përhapjes në ajër të spërklave të infektuara të pështymës.

Nëse për maskat FFP2 edhe komuniteti shkencor duket se është në dakordësi për efikasitetin e tyre, dyshimet janë për përdorimin e mbrojtëseve të fytyrës ose të maskave FFP2 me valvulë. Sipas kërkuesve të Florida Atlantic University ka mundësi që një përdorim i gjerë nga qytetarët i këtyre maskave të ketë efekt negativ në përpjekjet për të reduktuar riskun e infektimit.

Duke u bazuar në kërkimet e kryera edhe pse mbrojtëset e fytyrës bllokojnë lëvizjen fillestare të spërklave, ato që nxirren mund të lëvizin përreth mbrojtëses së fytyrës me lehtësi duke u përhapur njësoj në një zone të gjerë. I njëjti risk që është ndeshur edhe për maskat FFP2 me valvula.

"Për të reduktuar në minimum përhapjen në komunitetin e COVID-19," - mbështesin kërkuesit, - "mund të jetë e preferueshme që të përdoren maskat prej cope me cilësi të lartë ose maskat kirurgjikale me dizenjim të thjeshtë, në vend të mbrojtëseve të fytyrës apo maskave që janë të pajisura me valvula ekspirimi."

Artikullin origjinal të publikuar në Physics of Fluids, në brendësi të të cilit mund të gjeni edhe videot e ndryshme të kryera duke përdorur një manekin të projektuar për të stimuluar kollitjen mund ta gjeni duke klikuar këtu.

Përktheu: Valbona Spahia