Maskat kirurgjikale vs respiratorët: vetitë dhe indikacionet e përdorimit

Të shumta janë procedurat stomatologjike që janë në gjendje të krijojnë një aerosol të aftë për të transportuar baktere, viruse dhe pjesëza ndotëse në ambientin përreth.

Përdorimi i një turbine, i një instrumenti ultrasonik apo i një spraji që vjen nga një shiringë me ajër-ujë krijon një suspension ajror të pjesëzave me përmasa të ndryshme që paraqesin një risk serioz infektiv nëpërmjet kaviteteve nazale dhe trakeo-bronkiale. Ky depozitim i pjesëzave bëhet në nivele të ndryshme sipas përmasave të tyre ku ato me përmasa më të mëdha ndalojnë në kavitetin nazal, ndërsa më të vogla përfundojnë në alveolat pulmonare.
Duke qenë se kjo re aerosoli vazhdon dhe ushqehet vazhdimisht në ambientet ku pacientët dhe procedurat vijojnë dhe mbivendosen gjatë harkut kohor të një dite, është thelbësore nga ana e profesionistëve përdorimi i pajisjeve të mbrojtjes individuale, ndërmjet të cilave shfaqet me rëndësi zgjedhja e një respiratori apo një maske kirurgjikale të përshtatshme.

Tipologjia e kërkimit dhe modaliteti i analizës
Në një punim të publikuar në Dental Cadmos, është kryer një rishikim i literaturës kombëtare dhe ndërkombëtare mbi argumentin (duke përdorur bazat e të dhënave të PubMed, Scopus dhe Web of Science), duke grumbulluar të dhënat shkencore të publikuara nga momenti i identifikimit të koronavirusit deri në fund të majit 2020 (data e publikimit të artikullit në Dental Cadmos) dhe duke përshkruar karakteristikat, rrugët e transmetimit dhe manifestimet klinike të Covid-19 në fushën stomatologjike.
Maska kirurgjikale dhe respiratori janë pajsije për mbrojtjen personale që përmbushin standardet specifike, por më parë ishin të shumta mendimet mospërputhëse mbi indikacionet e sakta dhe mbi tipologjinë e respiratorit që duhet përdorur për të parandaluar infektimin me Sars-CoV-2. Respiratorët pa filtër-valvulë duket se janë pajisje që janë janë në gjendje të ofrojnë mbrojtje më të lartë për profesionistin dhe pacientin, por pikërisht kapaciteti i tyre i lartë e bën të vështirë respirimin nëse përdoren vazhdimisht për një kohë të gjatë. Për të përmirësuar kapacitetin respirator dhe për të krijuar një rehati më të madhe mund të hedhim hipoteza mbi përdorimin e një respiratori me filtrim të lartë me valvul për nxjerrjen e ajrit, së bashku me një maskë kirurgjikale që vendoset sipër.
Maskat kirurgjikale mbeten sidoqoftë pajisje për mbrojtjen personale të vlefshme për të gjitha shërbimet që nuk krijojnë aerosolë me ngarkesë të lartë infektuese dhe si pasojë shpërndarjen e pjesëzave mundësisht kontaminuese në ajër. Në fund për të limituar sa më shumë të jetë e mundur përhapjen e Covid-19 ndërmjet popullsisë, secili duhet të mbajë një maskë kirurgjikale në mënyrë të tillë që të mos kontaminojë ambientin rrethuese dhe personat pranë.

Konkluzione
Të gjithë anëtarët e stafit stomatologjik kanë detyrën e rëndësishme që të mbrohen nga infeksionet e kryqëzuara duke pasur parasysh që goja është një vektor i rëndësishëm i tipologjive të shumta të infeksionit, por jo të gjitha të njohura. Pra personelit i ofrohet një trajnim specifik i bazuar në protokollet për kontrollet e infeksioneve. Si përfundim, maska kirurgjikale dhe respiratori janë pajisjet për mbrojtjen personale që përmbushin standardet specifike por përdorimi i tyre shoqërohet gjithmonë me pajisjet e tjera për mbrojtjen personale si mbrojtëset e fytyrës dhe syzet mbrojtëse, kapuçët, dorezat, përparëset një përdorimshe dhe sigurisht një higjienë e kujdesshme personale.
Në fund, kujtojmë rëndësinë e ekzaminimit të skedës teknike të referuar për pajisjet e përdorura, me qëllim që të kontrollohet aderimi i ngushtë i nevojshëm për protokollet e referimit.

Për më shumë informacione:
Checchi V, Checchi L. Mascherine chirurgiche vs respiratori: proprietà e indicazioni d'uso. Dental Cadmos 2020;88(7):436-77.

Përktheu: Valbona Spahia