Covid-19, ja pse varianti anglez mund të jetë dominues së shpejti

Një hulumtim kalifornian ka studiuar prevalencën dhe dinamikën e rritjes së këtij varianti me pasoja vdekjeprurëse

Edhe në Shtetet e Bashkuara, "varianti anglez" i Sars-CoV-2 së shpejti mund të bëhet forma më dominuese e virusit në qarkullim, ashtu si po ndodh në vendet e tjera, dhe për këtë kërkohet një veprim i menjëhershëm dhe vendimtar për të minimizuar sëmundshmërinë dhe vdekshmërinë nga Covid-19, kjo sipas një studimi të botuar në medRxiv. Që nga fillimi i pandemisë Covid-19, ekspertët janë shqetësuar për shfaqjen e mundshme të varianteve më lehtë të transmetueshme.

"Që nga janari 2021, varianti B.1.1.7 i Sars-CoV-2, i njohur si "varianti anglez", siç u identifikua për herë të parë në Mbretërinë e Bashkuar, dhe që duket se është lehtësisht i transmetueshëm, ka fituar një pozicion solid në mbarë botën", thotë Nicole Washington, nga Helix në San Mateo, California, autore kryesore e studimit.

Studiuesit, duke pasur parasysh përhapjen e papritur dhe të shpejtë të B.1.1.7, studiuan mënyrën e përhapjes dhe dinamikën e rritjes së këtij varianti në Shtetet e Bashkuara, duke e gjurmuar atë në shfaqjen e tij të parë dhe transmetimin lokal pasues. Ekspertët zbuluan se një tipar i veçantë në testin RT-qPCR, i parë për herë të parë në Mbretërinë e Bashkuar, provoi të ishte një përfaqësues i besueshëm për zbulimin e B.1.1.7, dhe renditën 212 gjenome B.1.1.7 Sars- CoV-2 në ambiente të ndryshme në Shtetet e Bashkuara nga dhjetori 2020 deri në janar 2021. Studiuesit zbuluan se përhapja e variantit u rrit me një shpejtësi të ngjashme me ato që janë parë edhe në vendet e tjera, me një normë dyfishimi prej pak më shumë se një javë dhe një rritje në shpejtësinë e transmetimit të 35-45%.

Duke kryer analizat filodinamike bayesian të ndjeshme në kohë, autorët zbuluan disa prezantime të pavarura të B.1.1.7 në Shtetet e Bashkuara që nga fundi i Nëntorit 2020 dhe argumentojnë se transmetimi në komunitetit lejoi që varianti të përhapet në të paktën 30 shtete. Duke filluar nga janari 2021 .

"Rritja e shkallës së transmetimit të këtyre linjave dhe numri më i lartë i riprodhimit që rezulton ka të ngjarë të ketë pasoja shkatërruese mbi vdekshmërinë dhe sëmundshmërinë nga Covid-19 në Shtetet e Bashkuara brenda muajve nëse veprimet vendimtare nuk ndërmerren menjëherë" përfundojnë studiuesit.

Për më shumë informacion:

Genomic epidemiology identifies emergence and rapid transmission of SARS-CoV-2 B.1.1.7 in the United States