Mikronutrientët kryesorë që i japin qëndrueshmëri sistemit imunitar

Vitaminat A, B6, B12, C, D, acidi folik, bakri, hekuri, seleniumi dhe zinku janë ndër mikronutrientët thelbësorë të nevojshëm për të mbajtur sistemin imunitar të shëndetshëm dhe të qëndrueshëm, një qëllim për të cilin duhet vepruar në disa fronte. Kjo ka dalë nga analiza e Integratori Italia dhe International Alliance of Dietary/food supplement Associations (IADSA).

Mikronutrientët për funksionimin e duhur të sistemit imunitar

Pandemia ka nxjerrë në pah se si mbështetja e sistemit imunitar është e nevojshme për të garantuar shëndetin e organizmit dhe për rrjedhojë, se si ndikon në shëndetin e individëve. Me kalimin e moshës, rreziku dhe ashpërsia e infeksioneve ndryshojnë në bazë të kapacitetit imunitar, në varësi të mënyrës se si është zhvilluar, maturuar dhe ka rënë sistemi imunitar. Më poshtë do të gjeni një pasqyrë të mikronutrientëve kryesorë për një funksionim të mirë të sistemit imunitar.

• Vitamina D është e përfshirë kryesisht në rregullimin e funksioneve të sistemit imunitar. Mungesa e saj mund të ndihmojë në rritjen e rrezikut të infeksioneve. Disa metaanaliza të fundit kanë arritur në përfundimin se suplementet mund të ulin rrezikun e infeksioneve të traktit respirator si te fëmijët, ashtu edhe te të rriturit. Vitamina D është studiuar kohët e fundit, megjithëse me rezultate jo përfundimtare, edhe në lidhje me efektet e saj të mundshme në infeksionin nga Sars-CoV-2.

• Vitamina C mbështet rritjen dhe funksionimin e qelizave përgjegjëse për sistemin imunitar, nxit reagimin e qelizave të bardha të gjakut ndaj infeksioneve dhe eliminimin e mikroorganizmave patogjenë. Për më tepër, plotësimi i dietës me vitaminë C duket se kontribuon në parandalimin e infeksioneve respiratore dhe redukton kohëzgjatjen dhe ashpërsinë e tyre.

• Falë vitaminës B6, organizmi lehtësohet në formimin e qelizave të bardha të gjakut dhe në sigurimin e funksionimit normal të limfociteve.

• Vitamina E mbron qelizat e organizmit nga stresi oksidativ. Për më tepër, rezultatet klinike do të njihnin gjithashtu rolin e tij në infeksionet e traktit respirator.

• Marrja e zinkut në sasinë e duhur është thelbësore për zhvillimin dhe funksionimin normal të qelizave që marrin pjesë në përgjigjen imunitare.

• Përsa i përket hekurit, studimet në njerëz kanë treguar se mungesa e tij, ndër të tjera, mund të ndryshojë ekuilibrin midis qelizave antiinflamatore dhe proinflamatore. Kohët e fundit, EFSA ka njohur rolin e hekurit edhe në sistemin imunitar të fëmijëve, duke deklaruar ekzistencën e një lidhjeje shkak-pasojë midis marrjes së mineralit nëpërmjet ushqimit dhe kontributit në funksionin normal të vetë sistemit imunitar deri në moshën 3-vjeçare.

• Sipas një studimi të kohëve të fundit, marrja e selenit nga subjektet e shëndetshme, por me nivele relativisht të ulëta të përqendrimeve të selenit në plazmë, përmirëson imunitetin qelizor. Së fundi, njihet një efekt i favorshëm në ruajtjen e funksionit imunitar.

Përmirësimi i edukimit ushqimor dhe përdorimi si duhet i integratorëve

"Gjithsesi, në të gjitha fazat e jetës, dieta korrekte mund të jetë një aleat i shkëlqyer për të forcuar sistemin imunitar. Ndër mikronutrientët thelbësorë për funksionimin korrekt të tij gjejmë: vitaminat A, B6, B12, C, D, acidin folik dhe minerale, si: bakri, hekuri, seleniumi dhe zinku", deklaron Andrea Poli, President i Fondacionit mbi Nutricionin në Itali, i cili, në shqyrtimin e tij: "Stile di vita, alimentazione e integrazione nell'epoca del Covid-19. Lo stato dell'arte", botuar së fundi në internet, analizon gjerësisht rolin e integrimit të disa prej këtyre substancave në mbështetjen e sistemit imunitar.

Integratori Italia kujton: "Siç raportohet në një artikull të kohëve të fundit të botuar në Current Developments in Nutrition, dy miliardë njerëz në botë nuk i konsumojnë këto lëndë ushqyese në sasi të mjaftueshme. Kjo do të thotë se një pjesë e madhe e popullsisë botërore, sidomos të moshuarit, mund të ndjekin një dietë që nuk është e duhura për të mbështetur funksionimin e sistemit të tyre imunitar. Për të përballuar këtë situatë, thelbi qëndron, sigurisht, në edukimin më të mirë ushqimor dhe në përdorimin korrekt të suplementeve ushqimore, të cilat mund të luajnë një rol të rëndësishëm jo vetëm për të kompensuar mangësitë ushqimore, por edhe për të mbështetur mirëqenien e trupit. Funksioni imunitar mund të përmirësohet duke rivendosur në nivelet e rekomanduara mikronutrientët që mungojnë, duke rritur kështu rezistencën ndaj infeksioneve dhe duke mbështetur rikuperimin më të shpejtë në rast infeksioni. Një sfidë e madhe, e cila potencialisht mund të sjellë përfitime për miliona njerëz, mbi të gjitha pas asaj që ndodhi gjatë pandemisë, me të moshuarit më të rrezikuar sesa të rinjtë për të kaluar një formë të rëndë të sëmundjes.".