A ekziston një lidhje ndërmjet depresionit dhe kariesit?

Depresioni dhe ankthi janë dy gjendje shumë të zakonshme dhe ndër problemet kryesore të shëndetit publik; implikimet e tyre janë të shumta dhe vërehen në plane të ndryshme (të sjelljes, sociale dhe shëndetësore) por ndoshta të papriturat janë ato që lidhen me shëndetin oral.

Në të vërtetë, në literaturë ekzistojnë tashmë prova që mbështesin lidhjen e çrregullimeve mendore me "prekursorët e kariesit", për shembull reduktimi i pështymës, e përcaktuar më së shumti nga barnat, që dobëson aftësinë për të kundërshtuar ato acide që favorizojnë praninë e baktereve kariogjene.
Modifikimet fiziologjike që lidhen me çrregullimet psikiatrike përfshijnë edhe dëmtimin e përgjigjes normale imunitare, të implikuar në patogjenezën e sëmundjes periodontale, ndërsa ndryshimi i aksit hipotalamus - hipofizë - gjëndër mbiveshkore (Hpa) ushtron një veprim që mund të favorizojë ose kundërshtojë inflamacionin e indeve dhe vërehet qartë që rritjet e përgjigjeve inflamatore nxitin riabsorbimin kockor, aty ku defiçencat imunologjike sjellin një ulje të përgjigjes së organizmit dhe një kolonizim bakterial. Nga ana tjetër, midis ndryshimeve të sjelljes që lidhen me depresionin shpesh ka edhe një vëmendje të vogël ndaj higjienës orale dhe zakoneve të pirjes së duhanit.

Pra treguesit ishin të gjithë, por kërkimi për një lidhje më të saktë midis gjendjeve të ankthit dhe depresionit dhe një shëndeti oral më të keq mungon. Për këtë arsye një grup studiuesish britanikë dhe finlandezë nisën një studim, duke gjetur konfirmimin përsa i përket depresionit, por jo për ankthin dhe në fund të studimit kanë dalë në përfundimin që "depresioni lidhet në mënyrë të konsiderueshme me numrin e dhëmbëve me karies, vetëm në grupmoshën 35 -54 vjeç; por as depresioni as ankthi nuk lidhen me sëmundjen periodontale."

Autorët kanë arritur këtë rezultat nëpërmjet një analize sekondare të të dhënave të marra nga Finnish Health 2000 Survey, një sondazh që në fillim të shekullit kishte përfshirë me mijëra finlandezë mbi tematikat që lidheshin me shëndetin dhe cilësinë e jetës.
Kampioni i madh i analizuar është midis elementeve që i japin autorësi këtij studimi, bashkë me qasjen më të gjerë të përshtatur nga studiuesit në krahasim me sondazhet e pakta që janë kryer më parë, që i përkisnin gjendjeve të depresioni por jo atyre të ankthit, sëmundjes periodontale por jo kariesit.