Stresi dhe shëndeti oral. Ja, cila është lidhja ndërmjet tyre

Lidhja midis stresit dhe shëndetit oral dhe në veçanti sëmundjes periodontale është tashmë e njohur. Në lidhje me këtë temë ka folur për Agenzia Ansa Mauro Farneti, një ekspert i SidP (Shoqëria Italiane e Periodontologjisë dhe Implantologjisë), duke rikujtuar sesi trupi ynë përpiqet të rivendosë ekuilibrin e tij pasi është ekspozuar ndaj agjentëve stresues.

"Kur këto përshtatje nuk janë më efektive, atëherë stresi fillon të ketë pasoja në aspekte të ndryshme të shëndetit. Kjo do të thotë se kur individët janë të ekspozuar në mënyrë të përsëritur ndaj faktorëve të stresit kronik, përgjigjet biologjike induktohen të karakterizuara nga rritje nivelet e adrenalinës dhe kortizolit", shpjegon Farneti.

Kjo, sipas ekspertit, sjell pasoja edhe për shëndetin oral, në veçanti për periodontin dhe gengivat.

"Lidhja midis niveleve të larta të stresit dhe përkeqësimit të shëndetit oral është studiuar për rreth 40 vjet. Ajo që filloi si paragjykime që atëherë është konfirmuar nga studime të vogla dhe tani janë bërë koncepte të vendosura nga rishikimet e literaturës shkencore", vazhdon eksperti.

"Ngjarjet shumë stresuese, si divorci, zia ose largimi nga puna, rrisin nivelet e citokineve inflamatore në trup dhe gjithashtu në gojë, duke përkeqësuar sëmundjet kronike periodontale. Por majat e stresit, lidhen gjithashtu me një rritje të stileve të gabuara të jetesës, të cilët nga ana tjetër përbëjnë faktorë rreziku specifik për periodontitin, si zakoni i pirjes së duhanit, më pak aktivitet fizik, abuzimi me alkoolin dhe sheqerin, më pak kujdes për higjienën orale në shtëpi", thotë Farneti.

"Këshilla ime për ata që kalojnë periudha veçanërisht stresuese është gjithashtu t'i kushtojnë më shumë vëmendje kujdesit për shëndetin e tyre oral, një këshillë që mund të merret si e mirëqenë, por që mund të jetë e dobishme për t'u rikujtuar herë pas here", përfundon eksperti.