Psoriaza dhe periodontiti. Studiohet lidhja ndërmjet tyre

Psoriaza është një sëmundje multisistemike inflamatore kronike që verifikohet kryesisht në dermë dhe epidermë, dhe prek 1-3% të popullsisë në mbarë botën. Mendohet se një rol të rëndësishëm në imunopatogjenezën e saj mund ta luajnë bakteret.

Periodontiti është një sëmundje inflamatore kronike që rrjedh nga një infeksion oportunist i biofilmit të pllakës endogjene. Periodontiti prek mbi 50% të të rriturve në të gjithë botën dhe 5-10% e tyre paraqet një formë të rëndë të sëmundjes që çon deri në humbjen e dhëmbëve.

Në këto kushte, të dyja këto sëmundje paraqesin një proces të ngjashëm imunopatogjenik dhe ndajnë faktorë të përbashkët rreziku.

Studime të ndryshme kanë tregojnë një humbje më të madhe kockore te pacientët me psoriazë dhe në të njëjtën kohë një shtim të riskut të psoriazës te pacientët me sëmundje periodontale.

Tipologjia e kërkimit dhe modaliteti i analizës

Në studimin rast-kontroll, të publikuar në "Journal of Periodontology", janë ekzaminuar 397 individë me psoriazë (raste) dhe 359 individë pa psoriazë (kontrolli).

Të gjithë individët i janë nënshtruar një ekzaminimi periodontal të plotë dhe janë vlerësuar parametra të ndryshëm: thellësia e sondimit (PD), niveli i atashmentit klinik (CAL), gjakrrjedhja gjatë sondimit (BOP), indeksi i pllakës (PI).

Përveç kësaj, u regjistruan disa të dhëna si: gjinia, mosha, të ardhurat familjare, niveli i edukimit, përdorimi i fillit interdentar, frekuenca e larjes së dhëmbëve, indeksi i masës trupore, diabeti, përdorimi i barnave anti-ankth dhe antidepresivëve, zakonet e duhanpirjes dhe konsumimi i alkoolit.

Rezultatet

Përsa i përket variablave, individët me psoriazë kanë treguar një IMT në mënyrë të konsiderueshme më të lartë (p<0,001), diabet (p=0,002), përdorim të anksiolitikëve (p=0,002), antidepresivëve (p=0,006) dhe duhanit (p=0,022).

Një prevalencë më e madhe e periodontitit është observuar në grupin e rasteve (46,1%) në krahasim me grupin e kontrollit (33,1%). Përveç të tjerash, prevalenca e periodontitit është rritur në mënyrë të konsiderueshme në bazë të shkallës së rëndesës së formave të psoriazës (e lehtë 44,4%, e moderuar 46,3% dhe e rëndë 47,1%) të dhëna që tregojnë një lidhje ndërmjet këtyre sëmundjeve.

Në të kundërt, studimi i tanishëm nuk konfirmon një lidhje ndërmjet shkallës së rëndesës së personave të prekur nga periodontiti dhe një pranie më të madhe të psoriazës.

Konkluzionet

Studimi tregon një lidhje ndërmjet psoriazës dhe periodontitit. Megjithatë, këto rezultat mund të konsiderohen një pikë fillimi dhe janë të nevojshme punime të tjera për të konsoliduar këto të dhëna.

Për më shumë informacion:

Mendes VS, Cota LOM, Costa AA, Oliveira AMSD, Costa FO. Periodontitis as another comorbidity associated with psoriasis: a case‐control study.