Në një intervistë për Dentist33.al, presidenti i Urdhrit të Stomatologut deklaron se aktualisht numërohen 2.800 stomatologë të certifikuar dhe 1000 të tjerë të pacertifikuar. "Ne jemi duke pritur të na jepet buxheti,- deklaron Deda,- dhe të nisim menjëherë nga puna për të fituar nga koha e humbur. Buxheti për vitin e parë të Urdhrit të Stomatologut si ent publik jepet nga Ministria e Shëndetësisë dhe më pas ai funksionon në bazë të të ardhurave që grumbullohen nga kontributet e stomatologëve.

"Puna e Urdhrit të Stomatologëve do të nisë me kontrollin e standardeve të klinikave, nivelin e teknologjisë që stomatologët përdorin në klinikat e tyre, niveli teknik të mjekut stomatolog e të tjera. Ne do të stimulojmë ngritjen e standardeve", shprehet Dr.Nikollë Deda.

Stomatologët ashtu si dhe farmacistët do të kenë një kuotë mujore prej 1000 lekësh të vjetra në muaj që do ta derdhin për anëtarësimin pranë Urdhrit të Stomatologut.

Në mbledhjen e radhës të Këshillit Kombëtar të Urdhrit të Stomatologut do të miratohet Statuti, Rregullorja, kodi etik dhe kriteret e ricertifikimit të stomatologëve. Kjo mbledhje pritet të zhvillohet pas një muaji.