| 25 Gusht 2015 |

Më 12 tetor studentët e mjekësisë iu drejtohen auditorëve për vitin e ri akademik

Universiteti i Mjekësisë ka publikuar në faqen e tij zyrtare datat për fillimin dhe mbarimin e vitit akademik 2015-2016. Për të gjitha institucionet e arsimit të lartë, viti i ri akademik do të fillojë më datë 12 tetor 2015 dhe do të përfundojë më 30 shtator 2016.

Universiteti i Mjekësisë ka publikuar në faqen e tij zyrtare datat për fillimin dhe mbarimin e vitit akademik 2015-2016. Për të gjitha institucionet e arsimit të lartë, viti i ri akademik do të fillojë më datë 12 tetor 2015 dhe do të përfundojë më 30 shtator 2016.
Urdhri nr. 298 i Ministrisë së Arsimit dhe Sportit, i nxjerrë më 19.08.2015 lidhur me këto data ka informuar studentët e Universitetit të Mjekësisë edhe mbi periudhën e pushimeve e cila do të jetë mes 21 dhjetorit 2015 dhe 3 janarit 2015.
Pas regjistrimit të kandidatëve fitues, institucionet publike të arsimit të Iartë do të dërgojnë në të gjitha ndërmarrjet "Trajtimi i Studenteve" sh.a., listën e studentëve të regjistruar sipas programeve të studimit dhe fakulteteve përkatëse.
I pyetur nga Dentist33.al mbi numrin e pranimit të studentëve në Fakultetin e Mjekësisë Dentare në këtë vit të ri akademik, dekani i tij, dr. prof. Fejzi Keraj thotë se në pamundësi për të realizuar procesin mësimor në kushte normale, prej dy vitesh janë bërë përpjekje për shkurtimin e këtij numri nga 150 studentë që ka pasur çdo vit Fakulteti i Mjekësisë Dentare. "Edhe këtë vit kemi bërë një kërkesë që të drejtën për të studiuar në fakultetin tonë ta fitojnë 55 kandidatë nga Shqipëria dhe 5 nga trojet. Kësisoj edhe ne pedagogëve na jepet mundësia për t'u marrë konkretisht me çdo student duke krijuar kushtet e duhura teorike dhe praktike për secilin", shprehet z.Keraj./D.GJ.