QKEV, Entela Shehu: Mjekët, dentistët dhe farmacistët në provim në mars

Të gjithë mjekët, dentistët dhe farmacistët të cilët nuk kishin plotësuar numrin e duhur të krediteve për 5 vjet do t’i nënshtrohen provimit në muajin mars. Sipas kreut të QKEV-së, zj. Entela Shehu, regjistrimet për ata që do të futen në provim vazhdojnë deri në datën 29 shkurt dhe më pas do të përc

Të gjithë mjekët, dentistët dhe farmacistët të cilët nuk kishin plotësuar numrin e duhur të krediteve për 5 vjet do t'i nënshtrohen provimit në muajin mars. Sipas kreut të QKEV-së, zj. Entela Shehu, regjistrimet për ata që do të futen në provim vazhdojnë deri në datën 29 shkurt dhe më pas do të përcaktohen datat e provimeve.

"Kjo është një mundësi që u jepet të gjithë profesionistëve në shëndetësi si mjekë, farmacistë, stomatologë të cilët për arsye të ndryshme nuk i plotësuan kreditet. Unë nuk besoj që do të ketë nga ata profesionistë që nuk e marrin këtë provim. Megjithatë provimi mund të jepet deri në 5 herë", shprehet zj.Shehu.

Numërohen gjithsej 1077 profesionistë të cilët nuk kishin përmbushur kreditet dhe do t'i nënshtrohen provimit. Para se të futen në provim do të duhet të paraqesin kartën e identitetit dhe mandat pagesën.

Përgatiti: Alma Demiraj

Për të votuar duhet të vendosni kredencialet tuaja në Medikey

Interesant ( 146 votim / mesatar 3 )