Planifikime dhe strategji në rastet e kalimit të aktivitetit dhe mbylljes së klinikës dentare. Aspektet fiskale dhe menaxheriale

Të planifikosh mbylljen apo kalimin e aktivitetit të klinikës tënde dentare sjell edhe një seri strategjish dhe kalimesh burokratike por jo vetëm.
Për shembull tërësia e dokumenteve të kompanisë, transaksionet funksionale si kontabël ashtu edhe fiskal - nga titullari (kaluesit) ndaj palës së tretë (marrësi) dhe/apo familjarëve të tij të konsideruar të përshtatshëm për të vazhduar aktivitetin profesional për arsye nga më të ndryshmet (mosha, motivet ekonomike etj.).
Hapi i parë i nevojshëm do të jetë ai i përpjekjes për të vlerësuar më së miri klinikën profesionale (klientelën e klinikës) sipas disa kritereve të vlerësim të biznesit, në pjesën më të madhe të tyre të përdorur në tregun e sotëm.
Vlera e klientelës është elementi (ndoshta më i rëndësishmi) që përcakton vlerën e një klinike profesionale.
"Kalimi" i klientelës nuk përfaqëson një aktivitet klinik në kuptimin e vijimit me të njëjtin mjek, por përfaqëson një aktivitet që mjeku duhet ta kalojë për të favorizuar më së miri futjen e profesionistit të ri dhe ndjekjen e kurave apo terapive. Gjithashtu, profesionisti që po lë aktivitetin e tij duhet ta ndajë këtë rrjedhë nëpërmjet prezencës së tij të përditshme në klinikë, e cila vjen duke u reduktuar me kohën, që njëkohësisht do të lejojë kalimin "pa trauma" të pacientit nga një mjek në një tjetër, duke u përpjekur që ti shpjegojë pacientit arsyet që kanë çuar në këto ndryshime të strukturës organizative dhe jo vetëm të klinikës.
Përveç klientelës duhet të vlerësohen të gjitha të mirat instrumentale të klinikës (poltronat, makineritë, pajisjet specifike etj.) me qëllim që të përcaktohet vlera totale e klinikës.
Pas përcaktimit të vlerës totale të aktivitetit duhet të kuptojmë taksimin e kaluesit për të përcaktuar vlerën neto që mund të perceptohet nga transferimi i aktivitetit të tij në një subjekt tjetër.
Taksimi do të varet nga veprimi me të cilit do të transferohet klinika: p.sh. shitja e aktivitetit, bartja e plotë, transformimi, dhurimi etj.
Një shqyrtim i mëtejshëm do të kryhet rreth mundësive të reja të parashikuara nga Ligjet si "Shoqata e profesionistëve (S.T.P)", nën formën e "shoqëri kapitalesh" apo "shoqëri personash".
Problemi kryesor do të jetë arritja për të sistematizuar veprimet në fjalë në një kuadër më të përgjithshëm, që të konsiderojë aspektet civilë dhe ato fiskal me objektivin e minimizimit të taksës që i atribuohet transferimit të klinikës profesionale me përfitim si nga ana e Palës Kaluese ashtu edhe nga ana e Palës Marrëse.
Megjithatë, për tu analizuar janë edhe çështjet kritike që mund të shfaqen gjatë fazave të ndryshme të transferimit, në veçanti taksimi i detyrimeve direkte dhe indirekte ndaj transferuesit dhe marrësit, që lidhen nga tipologji të ndryshme të transaksionit të shoqërisë (shitje aktiviteti, transformim, bartje e plotë etj.)

Nën kujdesin e: Andea Testoni, konsulent fiskal, profesionist në Venezia

Përktheu: Erjola Taga