Kosto e shërbimeve: për mjekët të flasësh me pacientët është një tabu

Të flasësh për paratë nuk është e lehtë, por hezitimi i mjekut (stomatologut) për të folur për kostot shëndetësore mund edhe të dëmtojë shëndetin e pacientit. "Duhet të përgatitim profesionistët e shëndetit të dëgjojnë më shumë personat që ndihmojnë mbi argumentet që i përkasin shpenzimeve për asistencën shëndetësore"- shkruan në Health Affairs Peter Ubel i Duke University i Durham, North Carolina, bashkëautore e një studimi në të cilin janë analizuar transkriptimet e pothuajse 2000 bisedave mjek-pacient përsa i përket kancerit të gjirit, artritit reumatoid dhe trajtimit të depresionit.
"Kemi identifikuar rastet në të cilat pacientët kanë thënë se do të mund të përballonin me vështirësi kurat, duke vlerësuar përgjigjet e mjekëve" - shkruajnë kërkuesit, që në kompleks kanë vënë re dy mënyra në të cilat mjekët përballojnë problemet financiare të pacientëve të tyre: ose i injorojnë ose i përballojnë përgjysmë.

"Për shembull, nëse një pacient nënvizon koston e lartë të një bari, mjeku ose anashkalon çdo koment ose sugjeron një zgjidhje të përkohshme si përdorimi i një kampioni falas, pa eksploruar strategjitë për një kohë të gjatë për të përballuar çështjen" - pohon autori. Dhe pa një plan afat gjatë pacientët mund të ndërpresin marrjen e barit, ose ta marrin në mënyrë të parregullt duke dëmtuar në këtë mënyrë shëndetin e tyre deri në shtrimin e tyre në spital. Nga analiza e bisedave del se pjesa më e madhe e mjekëve nuk flet për kostot dhe se kur flitet, nuk flitet në mënyrë produktive. Por përse hezitojnë mjekët? Së pari nuk janë mësuar të diskutojnë për paratë dhe më pas shumë prej tyre mendojnë se të flasësh për paratë mundet në ndonjë mënyrë të ndryshojë raportin mjek-pacient. Në fund, mjekët nuk janë të përgatitur të dëgjojnë shqetësimet financiare të personave që ndihmojnë.

"Duke thënë këtë, është e vështirë që situata financiare e një pacienti në raport me nevojat e tij mjekësore mund të përballohet dhe zgjidhet në rrjedhën e një vizite prej 15 minutash" - vijon Ubel. Dhe përfundon: "Ideja që mjeku të konsiderojë pacientin edhe nën veshjen e konsumatorit duke ndarë shqetësimet për kostot dhe duke sugjeruar, si për blerjet, marrëveshjen më të mirë në temën e ndihmës shëndetësore është akoma relativisht e re."

Për më shumë: Health Aff (Millwood). 2016. doi: 10.1377/hlthaff.2015.1280

Përktheu: Valbona Spahia