Përshtypja e parë është ajo që ka rëndësi, edhe për dentistin. Si të përgatitemi në tre lëvizje

Dimë që një libër nuk blihet vetëm sepse ka një kopertinë të bukur dhe me pak vëmendje mund të shmangim një blerje kompulsive.
Për personat është ndryshe, kur shikojmë një fytyrë të re truri ynë vendos në një të dhjetën e sekondës nëse është tërheqës dhe i besueshëm.

Për ta treguar këtë është Alex Todorov psikolog dhe kërkues pranë Princeton University (New Jersey USA). 200 studentë kanë vizituar për 100, 500 milisekonda fytyrat e personave të panjohur. Menjëherë më pas i kërkohej një gjykim në formën e pikëve rreth tërheqjes, simpatisë, besueshmërisë dhe kompetencës. Konkluzionet kanë rezultuar shumë homogjene, disa qenie njerëzore rezultojnë më të besueshme se të tjerat, vetëm sa hap e mbyll sytë.

Rezultatet e këtij studimi na prekin nga afër si profesionistë të shëndetit: të lësh një përshtypje të parë të mirë është thelbësore dhe nuk ka kurrë një shans të dytë për të korrigjuar gabimet e mundshme.
Jay Geier prej shumë vitesh merret me formimin menaxherial të personelit shëndetësor nëpërmjet "Scheduling Institute" të Atlantës (SHBA). Në Blog-un e tij na shpjegon tre gjërat për të cilat duhet të punojmë për të realizuar një përshtypje të parë fantastike:

A) Zona e recepsionit është porta e hyrjes për në klinikë, ndiqni këto 6 rregulla:
1. Ngjyra e zbehtë apo pastel e mureve duhet të jetë gjithmonë e rinovuar
2. Kontrolloni që mos të ketë aroma të pa këndshme, përdorni parfum ambienti
3. Ofroni pije të ngrohta/ftohta për pacientët në sallën e pritjes
4. Bëni të mundur që zona të jetë gjithmonë e ndriçuar, nëse është e mundur me dritë natyrale
5. Kontrolloni çdo ditë revistat që të jenë të kohëve të fundit dhe në gjendje të mirë
6. Kërkojini këshillë një pacienteje, një gruaje dyzetë vjeçare, ajo që merr vendimet në familje, pyeteni që t'ju përshkruajë çfarë nuk i pëlqen në zonën e recepsionit.

B) Imazhi juaj është ai që krijon "besim". Të punosh 10 cm nga fytyra e pacientit, në sferën e intimitetit, sipas rregullave të prosemikës imponon një kujdes të theksuar të higjienës personale, kozmetikë të moderuar, mjekër dhe flokë shumë të kuruar. Këmisha e sapo larë dhe shumë e pastër, pa njolla të materialeve të gjurmëve apo të hipokloritit. Kërko këshillën e një familjari bashkëpunëtor, që çdo ditë të të thotë se diçka nga pamja jote mund të përmirësohet.

C) Imazhi i stafit reflekton imazhin tënd. Sigurohu që ai të jetë pozitiv. Uniformat që përdorni a janë shik, gjithmonë të kuruara dhe të sapo lara? Nuk është e thjeshtë t'i shpjegosh asistentit që të rregullojë kozmetikën apo flokët, por në ekip mësohet nga "imitimi", pra duhet të fillojmë të punojmë me veten. Mos harro se ke vetëm një të dhjetën e sekondës në dispozicion për të bërë "figurë të mirë"!

Nën kujdesin e: Davis Cussotto, stomatolog Twitter @DavisCussotto.

Përktheu: Erjola Taga