Procedura... çfarë mërzie. Në fakt, nëse duhet të punohet mirë janë të nevojshme dhe të dobishme. Ekspertët tregojnë ku t'i aplikoni në stomatologji

Nëse "procedura" ngjall një rëndesë burokratike keni humbur rastin për të punuar mirë. Burokracia, e lindur për të udhëhequr aktivitete me shumë individë sipas kritereve të racionalitetit, ka pasur aplikime jo të kënaqshme, por mbetet një instrument i vlefshëm. Ky çelës i të kuptuarit vlen edhe për një klinikë dentare, me qëllimin që një shërbim të jetë korrekt në fushën teknike, organizative dhe në marrëdhënie, në respekt të normativave aktuale.

Përse janë të dobishme rregullat
Rregullat udhëheqin një grup personash në zhvillimin e aktiviteteve të koordinuara, për të garantuar rezultat. Është mirë që këto rregulla të jenë të shkruara. Transmetimi gojor mund të gjenerojë keqkuptime, me komprometimin e arritjes së objektivit. Por teksti i shkruar duhet të jetë i thjeshtë, i plotë dhe i kuptueshëm.

Kur duhet të aplikohet
Në një klinikë dentare, mund të parashikojmë tre tipologji me rregulla të shkruara:
• Klinike. Kanë të bëjnë me predispozitën se sa është e nevojshme për të vendosur në zbatim një protokoll klinik, me qëllimin që gjithçka të jetë funksionale dhe e disponueshme; për shembull çfarë duhet përgatitur për të kryer një mbushje
• Menaxhuese administrative. Kanë të bëjnë me marrëdhënien dhe eksperiencat me pacientin duke filluar që nga takimi deri te pagesa
• Marrëdhëniet. I dedikohen ndërveprimeve midis pacientit dhe personelit të brendshëm për të garantuar respektin sipas kërkesave të "humanizmit".

Rreziqet e mungesës organizative
Çdo ditë duhet të luftojmë kundër kurbës së harresës. Është ajo që ndodh kur instruksione të thëna me zë, për disa përmbushje humbasin dhe kështu gjërat nuk kryhen në mënyrën dhe në kohën e duhur. Një shembull: si dhe kur duhet të pastrojmë filtrin e aspiratorit kirurgjikal. Këto mungesa nuk janë banale: bllokimi i sistemit të aspirimit shkakton ndërprerjen e një aktiviteti klinik, duke gjeneruar jo vetëm një dëm ekonomik por edhe një ngarkesë stresi.

Avantazhet e rregullave
Impenjimi dedikuar përkufizimit të rregullave të shkruara është i shpeshtë. Analizojmë 4 fusha.
1. FUSHA TEKNIKE
Një shembull është realizimi i një kurore estetike në disilikat CAD CAM. Nevojitet të garantojmë:
• një përgatitje të kujdesshme dhe një teknikë të mirë të shërimit intraoral
• një dizajn dentar me aplikimin e software-it CAD të një tekniku dentar ekspert
• përdorimi i një skaneri intraoral dhe një Njësi Prodhimi të një cilësie të lartë
Për një performancë korrekte të Njësisë së Prodhimit me freza për heqje, disa herë në javë, asistenti duhet: të mbushë apo të zëvendësojë ujin e demineralizuar në rezervuar, të pastrojë filtrat dhe sitat që shkarkojnë ujin e ftohjes së frezave. Mungesa e respektimit të këtyre rregullave të mirëmbajtjes shkakton një përdorim të parakohshëm të frezave dhe një punim me dorë jo të mirë.
2. FUSHA LIGJORE
Respektimi i rregullave të shkruara na mbron në rastet e proceseve gjyqësore. Veprimet e dekontaminimit, lavazhit, sterilizimit dhe konservimit të instrumenteve kirurgjikale duhet të futen në një protokoll operativ të shkruar që të bëhet një Urdhër Shërbimi për personelin, që duhet të lexohet periodikisht në mbledhjet e parashikuara. Komunikimet dhe urdhrat e shërbimit janë një "dëshmi e kujdesit" për gjykatësin gjatë seancave gjyqësore.
Situatë gjithmonë e pritshme që mund të lindë nga një pacient që ankohet për shfaqjen e një patologjie infektive apo nga një bashkëpunëtor për një sëmundje të supozuar profesionale.

3. FUSHA PROFESIONALE

Respektimi i rregullave të shkruara garanton një cilësi të aktivitetit që duhet të zhvillohet, redukton harxhimin e kohës për përsëritjen e veprimeve jo të plota, thjeshton formimin e personelit të ri që duhet të futet në ekipin e punës.

4. FUSHA KULTURORE

Përhapja e rregullave të shkruara ndihmon në krijimin e një "mendimi koherent" në brendësi të ekipit të punës, element që siguron dhe i rrit besimin pacientit. Për shembull dentisti dhe kujdestari i higjienës ndajnë udhëzimet e qasjes parodontale, duke krijuar presupozimet për një maturim të sjelljes së pacientit: të mbash në mënyrë rigoroze higjienën në shtëpi me përdorimin e furçës elektrike.

Konkluzione

Formalizimi i rregullave të brendshme ndihmon personat për të punuar mirë apo për të kuptuar vetë, kontributin drejt suksesit të performancës. Kjo është hallka më e fuqishme për motivimin.

Nën kujdesin e: Erika Leopardi, eksperte në organizimin e kompanive; Davis Cussotto, stomatolog.

Përktheu: Erjola Taga