Madje as tymi i cigares

Giovanni Lodi

Duke shfletuar literaturën stomatologjike të publikuar në 2012 dhe të indeksuar në "PubMed", mund të zbuloni se pacientët tuaj të prekur nga sëmundja parodontale duhen konsideruar në risk për: tumore malinje të traktit tretës, osteoporozë, artit reumatoid, spondilit ankilozant, sëmundjen e Alzheimer, deficitin konjitiv, steatozën hepatike, nefropatinë kronike, obezitetin, bronkopneumopatinë kronike obstuktive dhe leukoplakien, si edhe lidhje të tjera mjaft të njohura që kanë të bëjnë me probleme kardiovaskulare dhe komplikime të shtatzënisë. Lidhja e fundit në rend kronologjik është ajo e mosfunksionimit erektil.

Nuk është në qëllimin tim që të bëj ironi rreth punës së shumë kolegëve. Kërkimi klinik është i vështirë, i komplikuar për t'u zhvilluar, kompleks për t'u interpretuar dhe jam i sigurt që çdokush nga artikujt që përshkruajnë lidhjet e sapo përmendura meritojnë të merren seriozisht dhe të analizohen me kujdesin më të madh. Kjo ama nuk përjashton faktin se kuadri kompleksiv rezulton i mahnitshëm: me këtë hap sëmundja parodontale mund të rrëzojë tymin nga shkaku kryesor i parashikueshëm i sëmundjes, vdekjes dhe i aftësive të kufizuara.

Shpjegimi i mundshëm është se sëmundja parodontale është shumë e zakonshme dhe ndan me sëmundje të ndryshme kronike të rëndësishme faktorët e njohur të riskut (ndoshta edhe ndonjë akoma për t'u zbuluar). Megjithatë shëndeti dentar-parodontal është një indikator shumë i mirë i asaj që anglosaksonët e quajnë self-care, që përkthehet "kujdesi për veten"... siç është provuar nga një studim provokues i disa viteve më parë që vendoste kur filli dentar rezultonte efikas në parandalimin e obezitetit. Shtojmë se pjesa më e madhe e lidhjeve të cituara bazohen në studime të drejtuara me metoda me risk të lartë gabimi. Është akoma herët, pra për të përshkruar klorheksidinën si "viagra e lëngshme."

Përktheu: Erjola Taga