Rrjetet Sociale dhe Shëndeti. Ja risqet që mund të ndodhin dhe si t'i parandalojmë

Facebook, Youtube, Linkedin, Twitter, Instagram janë vetëm emra të disa prej platformave më të njohura të rrjetit social, një fenomen social dhe teknologjik shumë i suksesshëm që rritet fuqishëm. Një shërbim i rrjetit social lejon krijim dhe menaxhimin e rrjeteve sociale online të destinuara për komunitetin e individëve që ndajnë interesa dhe aktivitete të caktuara apo kanë për qëllim të eksplorojnë interesat dhe aktivitetet e subjekteve të tjera, domosdoshmërisht nëpërmjet përdorimit të aplikacioneve software. Të shumta janë mënyrat e ndërveprimit ndërmjet përdoruesve edhe në botën shëndetësore dhe farmaceutike. Shumë rrjete sociale ofrojnë instrumente, si grupet për të ndërvepruar me përdoruesit e tjerë me të njëjtat interesa.
Raporti "Cila është e ardhmja për marrëdhënien mjek pacient në shëndetësinë e re" i Censis në 2012 ka nxjerrë në pah se si uebi social fiton gjithmonë e më shumë rëndësi. 32,4% e të anketuarve përdorin internetin për çështje që lidhen me shëndetin. Ndër argumentet e kërkuara janë informacionet rreth patologjive specifike por edhe frekuentimi i forumeve, komuniteteve dhe shkëmbimi i eksperiencave ndërmjet pacientëve.
Aktiviteti kryesisht i zhvilluar në ueb nga kampioni i kërkimit, është kërkimi i informacioneve rreth shëndetit nëpërmjet motorëve të kërkimit (97,6%), ndërsa 34,7% është përqindja e të anketuarve që përdor rrjetet sociale "shpesh" dhe "ndonjëherë" për t'u hasur në informacione rreth shëndetit, një e dhënë më e lartë se ajo e këshillimit të siteve institucionale të shëndetit (29,8%).

Rrjetet sociale përfaqësojnë një instrument strategjik për mjekët dhe profesionistët e shëndetit. Mund të përdoren për të kërkuar informacione të specializuara që vetë kërkimi të jetë i dukshëm për formimin e të specializuarve, për ti mundësuar pacientëve mbështetje me patologji specifike për të ndërtuar dhe mbajtur marrëdhënie me komunitetin shkencor dhe profesional (Levine et al 2001; Shaw, Johnson 2001; Yamout et al.2011) por jo gjithmonë mendohet për faktin se informacionet mbi shëndetin janë të dhëna (ultra) të ndjeshme që nuk mund të publikohen qartë dhe as në mënyrë pseudo anonime nëse informacionet në tërësinë e tyre mund të na drejtojnë tek i interesuari direkt për thyerje të Kodit të Privatësisë. Natyrisht, Garantuesit për mbrojtjen e të dhënave personale, jo vetëm ata europianë, janë interesuar për fenomenin. Sot dokumentet thelbësor që merren me këto instrumente janë: memorandumi i Romës i marsit 2009, Rezoluta e Strasburgut e tetorit 2009 dhe mendimi në Rrjetet Sociale i Grupit, ish artikulli 29 i direktivës 46/95 rreth mbrojtjes së të dhënave personale.
Për momentin pretendohet të listohen disa risqe kryesore rreth furnizimit të të dhënave mbi Rrjetet Sociale për të zhvilluar më pas në javët në vijim zërat e vetëm dhe zgjidhjet e mundshme.
Nuk duhet harruar asgjë në internet. Koncepti i harrimit nuk ekziston në Internet dhe informacione të mundshme të postuara në lidhje me vetë patologjinë apo ato të vetë të asistuarve, rrezikojnë që të mbeten përgjithmonë edhe për ato që lidhen me përgjegjshmërinë ligjore.
Ideja mashtruese e "komunitetit". Nuk duhet të mendohet se duke pasur pak miq apo duke marrë pjesë në një grup të vogël informacionet mbeten vetëm midis këtyre përdoruesve.
Falas nuk do të thotë gjithmonë "me kosto zero".

Furnitorët e shërbimeve të medieve sociale kanë instrumentet teknike për të regjistruar çdo hap të vetëm të përdoruesit në sitin e tyre. Mendoni për këtë kur mundësohen të dhëna rreth shëndetit.
Përdorimi i gabuar i profileve të përdoruesve nga ana e subjekteve të treta. Sipas konfigurimit (të default) i disponueshëm për sa i përket privatësisë dhe përdorimit apo jo të konfigurimeve të tilla nga ana e përdoruesit, por edhe të nivelit të sigurisë së ofruar nga shërbimi, informacionet e përmbajtura në profil bëhen të aksesueshme në rastin më të keq në të gjithë komunitetin e përdoruesve.
Risqet e listuara sigurisht mund të kalohen me një menaxhim të kujdesshëm të informacioneve rreth shëndetit si nga ana e furnitorëve si nga ana e pacientëve.
Monica Gobbato

Përktheu: Erjola Taga