Të reduktosh konsumin e sheqernave. CED propozon një seri masash

Sheqeri konfirmohet si një ndër shkaqet kryesore të kariesit dentar, sidomos te fëmijët dhe te të moshuarit. Tema është diskutuar në një mbledhje të CED (Këshilli Europian i Dentistëve) që afirmon: "një konsum më i ulët i sheqernave do të çojë në një reduktim të vuajtjeve të lidhura me këtë sëmundje të parandalueshme."
CED i referohet udhëzimeve të Organizatës botërore të shëndetit të publikuara vitin e kaluar, në të cilat i rekomandohet fuqishëm të rriturve dhe fëmijëve që të reduktojnë konsumin e sheqernave të lirë (të gjithë monosakaridet dhe disakaridet të shtuar në ushqime nga ana e prodhuesve ose e vetë konsumatorëve) nën 10% të kalorive të marra në ditë, me një rekomandim të mëtejshëm të kushtëzuar sipas të cilit një reduktim nën 5% do të sillte mjaft përfitime për shëndetin. Aktualisht konsumi i sheqerit të lirë është shumë i ndryshueshëm në Europë, ku në disa shtete luhatet midis 7% dhe 8% të konsumit total të energjisë dhe në të tjerë rritet deri në 16-17%. Konsumi më i lartë është te fëmijët nga 12% në 25% e kalorive ditore dhe një pjesë thelbësore mund të derivojë nga pijet me sheqer.

CED mbështet pra një seri masash që në dokument specifikohen qartësisht pikë për pikë. Ndër to janë kufizimet në komercializimin dhe në publicitetin e pijeve dhe produkteve ushqimore të pasura me sheqerna; kufizime për firmat prodhuese në sponsorizim, në veçanti të eventeve sportive që krijojnë lidhje pozitive me produkte jo të shëndetshme, në linjë me politikat tashmë të adoptuara për duhanin dhe alkoolin.

Pijet dhe ushqimet duhet të riformulohen për të reduktuar përmbajtjen e sheqerit në kombinim me reduktimin e porcionit dhe përmasave. Më pas mund të ndërhyhet me një etiketim më të qartë dhe duke adoptuar standarde ushqyese më të shëndetshme në mensat spitalore dhe shkollore. Më në përgjithësi CED nxit një ripërcaktim të karakteristikave të shëndetit publik me skema të planifikimit dhe të zhvillimit lokal që të kenë parasysh provat rreth rrezikshmërisë së sheqernave.
Profesionistëve që operojnë në sektorin e shëndetit oral i atribuohet një rol i planit të parë për të informuar pacientët dhe për ti shpjeguar atyre cilat janë sheqernat "e fshehur" që janë të pranishëm në shumë produkte ushqimore.

Aldelmo Calatroni

Përktheu: Erjola Taga