Kur zilja e telefonit i tërheq vëmendjen pacientit dhe dentistit. Si ta zgjidhim

"Panorama" zanore e ditës sonë të punës është e përbërë nga zile, tringëllima, muzikë, pra lloje të ndryshme zilesh elektronike të shkaktuara nga telefonat smart.
Është një "serenatë" e vazhdueshme, shkruan Sheri B. Doniger, stomatologe Amerikane dhe Presidente e American Association of Women Dentists në një revistë të njohur të sektorit në SHBA.
Tabela që shumë kanë të ekspozuar në sallën e pritjes dhe që fton për të hequr zilen e celularit shërben shumë pak. Edhe pacientët më të kujdesshëm që i përmbahen kësaj tabele, nga xhepat e tyre degjohen "tringellima" simpatike pikërisht në momentin kur jemi duke hapur me sondë një kanal plotësues.

Në telefonat "e mençur" të gjeneratës së fundit, t'i heqësh zilen telefonit nuk përfshin njoftimet e postës, Tweet, WhatsApp dhe shumë rrjete të tjera sociale që pacienti përdor.

Situata ndonjëherë është komike sepse karakterizohet nga një fashë specifike demografike.
"Do prisja nga një adoleshente që të ishte e padurueshme për të lexuar mesazhin sapo ardhur të shënuar nga tingulli" - thotë Doniger. "Nuk është aspak kështu, janë 15 vjeçarët ata që më shpesh kërkojnë një pushim të shkurtër për të parë një njoftim. Disa pacientë nuk arrijmë më t'i dëgjojmë në telefon, caktojnë ose spostojnë takimet për vete apo familjarët e tyre duke përdorur vetëm mesazhet tekst".

Kanalet e rinj të komunikimit nuk duhen lënë pas dore për shembull për të kujtuar takimet, shpesh është më mirë me mesazh tekst sesa një telefonatë, por kundra "serenatave" dixhitale, zgjidhja e Doniger është shumë banale sa dhe efikase: një shportë e madhe në tavolinën e recepsionit apo para se të futesh në zonën e klinikës dhe një sekretare e qeshur që ju fton të depozitoni pajisjet portabël.

Nën kujdesin e: Davis Cussotto, stomatolog Twitter @DavisCussotto

Përktheu: Erjola Taga