Alternativa ndaj pijeve energjike është qumështi. Sipas Assolatte riintegron kripërat minerale dhe bën mirë për dhëmbët

Njihen problematikat për shëndetin oral të shkaktuara nga pijet energjike, pijet e përdorura nga sportistët për të riintegruar kripërat minerale të humbura gjatë aktivitetit fizik. Problem tjetër mbi të gjitha në sportet e rezistencës është ai i pështymës së reduktuar që rrit aciditetin oral duke vënë në rrezik dhëmbët.
Zgjidhja për Assolatte, quhet qumësht.
"Nxit zhvillimin muskulor, kontribuon në reduktimin e masës dhjamore dhe favorizon rikuperimin pas një aktiviteti intensiv fizik", shprehen nga shoqata, duke nënvizuar se si qumështi "është pija sportive më e mirë" dhe integratori më natyral. Për sportistët është një fakt i dhënë qartë dhe i dëshmuar nga kërkime të shumta shkencore.

Por jo vetëm, studime të kohëve të fundit kanë dëshmuar se si qumështi ka efekte pozitive në ushqyerjen e atij qe praktikon sport, në mënyrë profesionale apo amatoriale dhe në kundërshtimin e efektit të aciditetit oral të provokuar nga frymëmarrja nëpërmjet gojës, tipike e atij qe praktikon aktivitet rezistence.
"Sportet e rezistencës, si vrapi apo biçikleta, provokojnë një ulje të dukshme të pështymës dhe kështu humbjen e efektit te çmuar zbutës për aciditetin oral", afirmon në sitin e Assolatte profesor Alessandro Nanussi, ish president i Shoqatës Italiane të Odontostomatologjisë së Sportit dhe docent i stomatologjisë sportive dhe përpunimit të të dhënave epidemiologjike.

"Kësaj i shtohet se sportistët kanë tendencën për të konsumuar rregullisht pije energjetike, acide dhe me sheqer. Kështu dëmi te dhëmbët rritet. Ata që rrezikojnë më shumë janë të rinjtë që nga ana fiziologjike kanë një smalt më poroz dhe më lehtësisht i sulmueshëm nga acidet. Çfarë të bëjmë atëherë? Të pish një gotë qumësht të skremuar, pija më efikase që kontribuon në mbajtjen e shëndetit dentar sepse është e pasur me kalcium dhe fosfor që ndihmojnë në neutralizimin e aciditetit oral".

Përktheu: Erjola Taga