Më 18-19 Nëntor, Konferenca e 22-të Kombëtare Dentare

Shoqata Dentare Shqiptare në bashkëpunim me Fakultetin e Mjekësisë Dentare,organizon KONFERENCËN E 22-të KOMBËTARE DENTARE, e cila do të zhvillohet në Tiranë, më 18 dhe 19 Nëntor 2016.
Kjo Konferencë vjen çdo vit dhe është më e rëndësishmja e llojit të vetë në Shqipëri. Qëllimi i këtij eventi është shkëmbimi i eksperiencave studimore, klinike dhe teorike, në fushën e stomatologjisë ndërmjet profesionistëve në rang kombëtar e më gjerë. Profesorë të huaj me emër nga Britania e Madhe, Italia, etj, do të jenë pjesë e këtij aktiviteti shkencor.
Konferenca zgjat dy ditë, do të zhvillohet në Hotel Tirana International, dhe është në proces akreditimi nga QKEV.

TARIFAT E REGJISTRIMIT:
- Mjekët stomatologë Shqipëri, Kosovë, Maqedoni etj, është 5,000 Lekë.
- Mjeket Stomatologë anëtarë të Shoqatës së Ortodontëve Shqiptarë (SHOSH) për vitin kalendarik 2016 është 4,000 Lekë..
- Mjekët të cilët janë anëtarë të Shoqatës Dentare Shqiptare (SHDSH) për vitin kalendarik 2016 është 3,000 Lekë.
-Studentët: 2,000 Lekë (Studentët duhet të pajisen me vërtetim nga Fakultetet përkatëse).

Pagesa dhe regjistrimi do të kryhet prane Raiffeisen Bank në:

Numrin e llogarisë: 0100109736,
IBAN:AL82202110130000000100.
Sqarim: Anëtarë i SHDSH dhe SHOSH konsiderohet ai person i cili ka bërë pagesën vjetore të anëtarësimit në shoqatat përkatëse për vitin kalendarik 2016.
Komisionet bankare paguhen nga individi që regjistrohet.
Në mandatin e pagesës në bankë duhet të specifikohet:
- Emër, Mbiemër i personit që regjistrohet në Konferencë.
- Emërtimi i pagesës "Regjistrim në Konferencën e 22"

Afati i fundit i regjistrimit është data 10 Nëntor 2016.

Në ditët e zhvillimit të aktivitetit pranë sekretariatit të Konferencës, në Hotel Tirana nuk do të ketë regjistrime.
Pjesëmarrësit duhet të paraqiten personalisht ditën e konferencës me një mjet identifikimi (pasaportë ose kartë identiteti) dhe me faturën e bankës për të konfirmuar prezencën e tyre. Nëse mjekët nuk marrin pjesë në aktivitet, nuk do t'i dërgohet emri pranë QKEV për kreditet dhe pagesa nuk kthehet.
Per me shume informacion, vizitoni faqen tone zyrtare: www.shdsh.org (http://www.shdsh.org/FaqjaKryesore/tabid/68/ItemId/79/Default.aspx)