Përgjigjeni shpejt në telefon. 5 gjërat që nuk duhet të bëni pasi përgjigjeni

Disa ditë më parë telefonova në klinikën e një klientit tim të ri që është dentist dhe dialogu që zhvillova me sekretaren e tij ishte saktësisht kështu:
- Klinika dentare, mirëmëngjes!
- Mirëmëngjes, jam doktoresha Girelli, mund të flas me doktor Rossi ju lutem?
- Jo. Shikoni doktori është i zënë tani. Për çfarë bëhet fjalë?
- Kuptoj. Kam nevojë të konfirmoj një takim. Kam folur me doktorin disa ditë më parë për një projekt konsulence. Mund të më thoni kur mund të telefonoj sërish?
- Ah, jo, shikoni, sot është e pamundur! E ka axhendën plot. Për çfarë më thatë se bëhej fjalë? Duhet të ma thoni mua dhe ja referoj unë doktorit.
- E kuptoj zonjushë, por më duhet të flas me doktorin. Po ju lë numrin tim, në mënyrë që t'ia jepni dhe jam e sigurt që do të më marrë vetë ai. Është një projekt që atij i intereson shumë.
- Po mirë, në rregull, si të doni. Ditën e mirë.

Dhe e mbyll telefonin menjëherë. Sa herë jeni gjendur në një situatë të tillë? Me sekretaret që bëjnë filtrimin e telefonatave?
Nuk i kanë sekretaret shumë të sjellshme por ajo që ndodh rëndom në qasjen telefonike me klinikat dentare është që përgjigjen në telefon në mënyrë të shpejtë, të stresuar, të largët, në vend të një përgjigjeje mikpritëse.
Nënvlerësohet ajo që personi që përgjigjet në telefon paraqet kartëvizitën më të rëndësishme të një Klinike Dentare, ashtu si në çdo organizatë. Është pikërisht në atë telefonatë që vihet në lojë efekti "përshtypja e parë", që kushtëzon të gjithë vazhdimësinë e raportit me pacientin ose me furnitorin (që është gjithashtu i rëndësishëm). Është veprimi i parë i vërtetë i marketingut (marrëdhënior) që është i aftë të nxisë përhapjen e fjalëve pozitive ose negative. Është pikërisht qasja telefonike që krijon efektin "alone" ose efektin "iceberg", në të cilin një pjesë e vogël që shihet mund të ndikojë mendimin mbi gjithë pjesën tjetër.

Lind mendimi: "Nëse përgjigjen në telefon kështu, kush e di si të trajtojnë ndërkohë që të mbushin një dhëmb."
Jeni të sigurt që doni ta merrni këtë risk apo mendoni se ka strategji të dobishme dhe efikase për të evituar këtë risk?
Por cilat janë pesë gabimet kryesore që duhen shmangur në telefon?
1. Të përgjigjesh me nerva (nëse nuk buzëqeshni të jeni të sigurt që pacienti e vë re).
2. Të përdoren fjalë ose fraza negative (jo, nuk, shqetësim, t'i marr kohë, etj).
3. Të përdorësh shprehje të ekzagjeruara dhe superlative.
4. Të hysh në konflikt me pacientin.
5. Të ngjallësh dyshime.

Nën kujdesin e: Moyra Girelli, formatore dhe konsulente e procesit, themeluese e aula41

Përktheu: Valbona Spahia