Pacientët me HIV dhe trajtimet stomatologjike. Sjelljet që mund të përshtaten

Paragjykimet që lidhen me pacientët me HIV duket se vazhdojnë. Këtë herë problemi është sjellë nga shoqëria franceze e pacientëve me HIV AIDS që ka kontaktuar në telefon 440 klinika dentare duke i kërkuar një takim për të kryer trajtime, duke i qartësuar faktin se janë të prekur nga HIV. Në atë moment një dentist nga tre ka gjetur një justifikim për të mos e pritur pacientin duke kërkuar ta drejtojë në një klinikë publike.
Por si duhet të sillet një dentist në kurimin e një pacienti me HIV?
"Në mënyrë deontologjike, duhet të sillet njësoj si me pacientët e tjerë duke qenë se asnjë nuk ka të drejtë të diskriminohet dhe klinika dentare duhet të jetë e pajisur me të gjitha mjetet që të ndalojë çdo lloj infektimi ose transmetimi të infeksionit", - theksojnë ekspertët.
Nga pikëpamja mjeko-ligjore dentistit nuk i lejohet "që të mbledhë informacione mbi HIV - in në çdo pacient që i drejtohet klinikës për herë të parë, nëse ajo nuk është e domosdoshme për llojin e ndërhyrjes ose terapisë që duhet të kryejë. Kjo e dhënë përsa i përket infeksionit me HIV mund të merret nga mjeku, në fakt, në momentin kur është e nevojshme në lidhje me ndërhyrjen klinike që duhet kryer te pacienti dhe sidoqoftë me konsensusin e tij." Të paktën kjo është ajo që vendos Garantimi i privatësisë (rezoluta n. 35 në 12 nëntor 2009).

"Nevoja për të marrë informacione mbi të qenit me HIV që nga momenti që pranohet takimi" - pohon Autoriteti - "nuk mund të jetë i justifikuar as nga nevoja për të aktivizuar masa specifike për mbrojtjen nga infektimi, pastaj normativa e sektorit parashikon që të tilla masa janë përshtatur, përballë çdo pacienti, pavarësisht nga njohja e të qenit me HIV." Është saktësuar gjithashtu nga Autoriteti që në rastin në të cilin mjeku njihet me një rast me SIDA, përveç respektimit të detyrimeve të fshehtësisë dhe mos diskriminimit, ka si detyrim të përshtatë çdo masë të identifikuar nga Kodi i privatësisë për të garantuar sigurinë e të dhënave shëndetësore.

Kjo nga pikëpamja juridike, po nga ajo praktike si duhet të sillet dentisti?
"Në supozimin ndaj një rreziku më të madh në kurimin e një pacienti me HIV" - shpjegon Marco Scarperlli, stomatolog mjeko - ligjor, - "do të vlerësohej sesi kujdesi ndaj parandalimit dhe mbrojtjes gjatë kurimit të pacientit duhet të përdoret qoftë me atë me HIV ose jo, qoftë me atë që nuk e njohim ende. Duhet të merret në konsideratë në fakt që te klientela personale mund të kemi edhe individë me HIV që nuk e kanë deklaruar se janë të tillë ose ata me HIV por që nuk e dinë ende."

"Pra lind nevoja" - përfundon Scarpelli - "që duhen respektuar gjithmonë kriteret e parandalimit të transmetimit të infeksioneve gjatë vizitave të çdo pacienti; gjithashtu rezulton themelore që stomatologu që është në dijeni se pacienti i tij është i prekur nga HIV, mban, ashtu si edhe për informacionet e tjera, sekretin profesional."

Norberto Maccagno

Përktheu: Valbona Spahia