Suksesi i klinikës kalon edhe nga krijimi i Team Building personal. 4 faktorët për ta realizuar

Ai që vendos të promovojë klinikën e vet mund të vendosë të fokusohet te shërbimi, te çmimet, te promovimi i ofertave të caktuara ose thjesht te "marka" personale. Edhe nëse jeni pronari i një klinike monoprofesionale.
Kjo ndodh sepse termi "markë" tregon një shenjë ose një simbol që dallon një kompani ose një produkt nga një tjetër. Për profesionistin "marka" është emri i klinikës në të cilën punon dhe shpesh përkon me mbiemrin.
"Kultura është marka jote" është një himn i përhapur midis ekspertëve të marketingut dhe komunikimit dhe i atribuohet Tony Hsieh, i diplomuar në Harward dhe sipërmarrës i papërmbajtur në e-commerce.

Jay Geier ekspert i formimit menaxherial të personelit shëndetësor nëpërmjet "Scheduling Institute" të Atalantës (SH.B.A), shkruan në Blog - un e tij që dentisti është shumë i fokusuar mbi atë që di të bëjë vërtetë mirë në fushën klinike, duke harruar të investojë kohë dhe burime ekonomike për të krijuar një kulturë të vërtetë sipërmarrjeje.

Vetëm kështu është e mundur të rritet produktiviteti, dobishmëria si dhe përhapja e fjalës së mirë nga pacientët.
Kultura e sipërmarrjes krijohet duke i dedikuar kohë formimit të ekipit edhe jashtë vendit të punës. Rezultatet që grumbullohen janë më të mira në klinikat e veçanta, ku dentisti menaxher kontrollon direkt ekipin e tij sesa në klinikat që kanë disa zyra që kanë një turnover më të shpejtë të personelit.

Ja cilat janë katër rrugët që duhet të ndiqen sipas Geier:
1) Zëvendësimi me pak bujari në territorin ku punon, angazhimi me anëtarët e ekipit në aktivitete vullnetare në sektorin e shëndetësisë që i drejtohet atyre që kanë më pak të ardhura.
2) Vendos në axhendë disa herë në vit, një ose dy ditë jashtë klinikës për t'u shpërqendruar nga rutina e përditshme dhe bëj një team building. Një ekskursion apo një event kulturor janë shembuj të shkëlqyer për të krijuar lidhje me grupin.
3) Stërvitu vazhdimisht me skuadrën dhe investo rregullisht në formimin profesional, bashkëpunëtorët e tu e vlerësojnë impenjimin për suksesin e tyre. Personeli i formuar dhe i motivuar është burimi më i madh që kemi.
4) Krijo momente gazmore me ekipin e punës, festoni së bashku me grupin; jepi mundësinë ekipit të ndërveprojë në një moment zbavitjeje, larg nga pacientët.

Efektet e Team Building nuk do t'ju lënë të prisni. Pacienti e percepton një grup pune që është i afërt me njëri-tjetrin dhe kjo gjeneron dy pasoja:
A) Gjendja e kënaqësisë të trajtimeve të marra rritet.
B) Do të fillohet të flitet sesi ka qenë e ndryshme eksperienca në klinikën tuaj, duke prodhuar përhapjen e fjalëve pozitive.

Nën kujdesin e: Davis Cussotto, stomatolog i lirë

Përktheu: Valbona Spahia