Buxheti si udhëzues për klinikën dentare. Si ta realizojmë, si ta ndjekim dhe përse është i rëndësishëm

Buxheti është një instrument kontrolli i ndërmarrjes, që nënkuptohet si planifikim, programim dhe kontroll i aktivitetit. Është procesi formal nëpërmjet të cilit përcaktohen objektivat e ndërmarrjes, përdorimi dhe shpërndarja e burimeve. Buxheti hartohet për të vlerësuar të ardhurat dhe shpenzimet (buxhet ekonomik ose operativ) jo vetëm flukset financiare (buxheti financiar) në një periudhë kohe të mirë përcaktuar, zakonisht një vit.
Buxheti hartohet si më poshtë:
1) Formulimi i objektivave dhe programeve në një periudhë të shkurtër (funksioni drejtues).
2) Verifikimi sistematik i objektivave të arritura nëpërmjet analizës së devijimeve dhe përdorimi i korrigjuesve në rastet e devijimeve të mëdha midis objektivave të caktuara dhe atyre të arrira (funksioni i kontrollit dhe menaxhimit).
3) Organizimi i burimeve njerëzore (funksioni i motivitimit të koordinimit).

Buxheti zbulon, bashkon dhe organizon informacione ekonomike - financiare në një preventiv të vetëm. Të dhënat përfundimtare janë frut i përpunimit të informacioneve që vijnë nga kontabiliteti ose nga mjetet menaxhuese të dedikuara. Është e nevojshme pra, të disponojmë një "Kontroll menaxhimi" të vërtetë që t'i bashkangjitet buxhetit për të verifikuar në mënyrë konstante rezultatet e marra.
I lindur si një mjet tipik biznesi, buxheti, megjithatë, po zbatohet gjithnjë e më shumë në aktivitetet e shërbimeve personale (studiot profesionale) si për shembull ato dentare.
Mendohet se hartimi i një buxheti për një klinikë dentare të konsoliduar, me objektivat e mbajtjes së situatës siç është nuk ka një rëndësi themelore. Për hartimin e tij zakonisht bazohemi te statistikat mesatare të tre viteve të fundit (numri dhe tipologjitë e shërbimeve të bëra, kostot direkte dhe indirekte që shoqërohen me performancën etj.). Rreziku është që buxheti të bëhet një skicim i thjeshtë i të dhënave të kontabilitetit dhe jo një mjet operativ strategjik.
Buxheti është më i dobidhëm në rastet e start up - it të një klinike të re ose në rastet kur zgjerohet ajo ekzistuese. Në këtë rast buxheti bëhet instrument themelor që udhëzon, për të mos thënë që detyron, profesionistin të drejtojë ndryshimet në mënyrë të organizuar, të koordinuar dhe paraprake.
Për të mundur të strukturohet buxheti i një klinike dentare, është e rëndësishme të kemi informacione specifike në lidhje me aktivitetin dentar si lista e performancës (vlera e vetme e prodhimit), kohët dhe seancat e çdo performance, kostot variabël që lidhen me vlerën e prodhimit (materiale klinike, laboratorët, punimet me dorë), investimet për vendin dhe aparaturat (klinike dhe drejtuese), kostot fikse të drejtimit.
Duke u nisur nga këto informacione mund të ndërtohen tabela që duhet të japin të gjitha informacionet e nevojshme në termat e të ardhurave dhe kostove (fikse dhe të ndryshueshme) të dobishme për redaktimin e bilancit përfundimtar të parashikuar.
Një renditje e tabelave mund të jetë:
PRODHIMI total dhe për sektorin klinik, tek i cili vlera përcaktohet nga sasia e performancës së vlerësuar për çmimin e caktuar të shitjes.
KOSTOT E NDRYSHUESHME: materialet klinike të përgjithshme (njëpërdorimshe) dhe pjesë specifike me vlerën e prodhimit.
KOSTOT E NDRYSHUESHME: laboratorët për protezat dhe ortodoncia proporcionale në sektorët e tyre produktiv.
KOSTOT E NDRYSHUESHME: bashkëpunëtorët mjekë dhe higjenistë.
KOSTOT FIKSE të menaxhimit të aparaturave (blerja dhe leasing), konsulentët, vendet dhe shërbimet, të përgjithshme, personeli mjekësor, amortizimet dhe të tjera.
Nga bashkimi i të gjitha informacioneve që vijnë nga tabelat e mësipërme, vjen sinteza përfundimtare (buxheti). Kjo do të na japë informacione mbi fizibilitetin ekonomik të projektit nëpërmjet disa treguesve si Margjina e Kontributit (MdC), incidenca e kostove fikse dhe të ndryshueshme në bazë të prirjes së prodhimit për të arritur në fund të ardhurat bruto.

Si përfundim buxheti duhet të shihet si një udhëzues i dobishëm për sipërmarrësin dentist që dëshiron të lidhet në një treg gjithnjë e më konkurues, i vështirë dhe që kërkon një qasje gjithnjë e më sipërmarrëse. Duhet të parashikojmë ngjarjet, ose të zhvillojmë rolin drejtues për të ardhmen. Në këtë kuptim buxheti dhe mjetet e tjera të kontrollit të ndërmarrjes mund të jenë një mbështjetje e vlefshme për arritjen e objektivave të përcaktuara.

Nën kujdesin e: dott. Franco Cellino, specialist kontrolli i drejtimit Lessicom

Përktheu: Valbona Spahia