"Doktor ku është dhëmbi im?" Përpjekja (e nevojshme) për të shpjeguar implantologjinë që të shmanget pyetja

Ne dentistët jemi profesionistët e mjekësisë që shpenzojmë më shumë për azhornimin profesional dhe me siguri nuk kursejmë në investimet për aparatura dhe teknologji të reja për klinikën tonë.
Besoj i ka ndodhur edhe ndonjërit nga ju që kur jeni kthyer nga një kurs azhornimi për kirurgjinë keni dashur të blini modelin e fundit të frezëmbajtësit kirurgjik dhe keni dashur të përballoni pacientin e parë.
Të gjithë jemi të përqendruar në teknikën kirurgjike që në mënyrë të pakundërshtueshme na ka bërë të kryejmë një ekstraksion të 25 dhe të futim një implant konik me një trajtim të kujdesshëm të sipërfaqes.

Të entuziazmuar nga radiografia e sapo kryer i tregojmë implantin pacientit që duket i relaksuar; e pyesim nëse ka ndjerë gjë dhe ky i fundit duke u parë në pasqyrë na pyet: "Më falni doktor po ku është dhëmbi im?"
Franco Tosolin guxon të thotë që gjithkush ka kundërshtimet që meriton!

Kjo është shumë e vërtetë dhe për të shmangur që pacienti të na bëjë me të drejtë këtë pyetje duhet të ndjekim këshillat që kolegu ynë Judd F. Boehme shpjegon në blog-ët e tij sesi edukimi i pacientit realizohet duke punuar në ekip dhe për të bërë këtë duhet:
1) I gjithë ekipi stomatologjik (asistentja, sekretarja) duhet të njohin avantazhet e implanteve në krahasim me dhëmbët e limuar. Pacienti flet me dëshirë me personelin ndihmës që nëse është i formuar mirë duhet të përhapë mesazhin.
2) Higjenisti është një opinion lider i vërtetë. Duhet të azhornohet vazhdimisht mbi gjithçka që bëjmë në kërkime dhe zhvillime. Nëse shkojmë në një kurs duhet ta informojmë për atë që kemi mësuar dhe për procedurat e reja që do të futen në klinikë.
3) Modelet, imazhet dhe videot e përgjakura mbi teknikat e implanteve nuk duhet të mungojnë kurrë në sallonin e pritjes.
4) Çdo herë që është e mundur të vihet provizori i implantit.
5) Në planin e trajtimit të futet tarifa all inclusive: elementi dentar në zirkon mbi implantin e osteointegruar.

Nën kujdesin e: Davis Cussotto, stomatolog

Përktheu: Valbona Spahia