Akses i vështirë në trajtimet stomatologjike dhe ato bazë në SH.B.A

Aksesi ndaj trajtimeve dentare nuk është i garantuar për të gjithë amerikanët dhe krahasuar me 10 kombe ekonomikisht të zhvilluar, SH.B.A tregon mungesa të mëdha në termat e mbështetjes ndaj terapive stomatologjike. Këtë e pohon një studim i ri i kryer nëpërmjet një sondazhi nga Commonwealth Fund, një fondacion privat që ka krahasuar situatën në Shtetet e Bashkuara me atë të vendeve si Australia, Kanadaja, Franca apo Britania e Madhe. Adultët amerikanë që ishin të detyruar të hiqnin dorë nga një trajtim stomatologjik ose një vizitë kontrolli për arsye ekonomike ishin 32% e të intervistuarve, pothuajse një nga tre, një burim i një mesatareje prej 20% të regjistruar në vendet e tjera të ekzaminuara dhe që arrijnë pak më shumë se 10% midis qytetarëve britanikë dhe holandezë.

Vështirësitë nuk lidheshin vetëm me stomatologjinë por, më në përgjithësi, me aksesin nga ana e amerikanëve në të gjitha trajtimet primare. Edhe në këtë rast, kostot e ngritura ishin një pengesë për një nga tre qytetarë amerikanë të intervistuar. Në këtë rast distanca me vendet e tjera të ekzaminuara është edhe më e madhe: vetëm shtatë anglezë ose gjermanë nga 100 ka paraqitur në fakt probleme analoge. Edhe pse, falë reformës në shëndetësi që u vendos nga Obama situata është përmirësuar dhe vështirësitë ekonomike të 33% të amerikanëve paraqet një përmirësim në krahasim me 37% që ishin pak vite më parë.

Adultët amerikanë kanë pasur një shëndet më të keq fizik dhe mendor në krahasim me vendet e tjera të zhvilluara: rreth 27% e tyre vuan nga të paktën dy patologji kronike dhe vitin e fundit, gjithashtu kanë jetuar situata me stres të lartë emotiv. Është e rëndësishme që, midis arsyeve të cituara nga të intervistuarit si shkak i shqetësimit psikologjik, figurojnë akoma shqetësime ekonomike. Ashtu siç shpjegojnë autorët e studimit, shumë amerikanë jo vetëm kanë vështirësi në pagesat e rregullta të qerasë ose të kredisë por edhe në blerjen e ushqimeve.

"Në krahasim me vendet e tjera" - kanë deklaruar kërkuesit e Commonwealth Fund - "sistemi shëndetësor i Shteteve të Bashkuara rezulton më pak efikas në kënaqjen e nevojave të ndryshme të shëndetit të popullsisë. Nevoja e shpeshtë e një disbursimi të xhepave të tyre është një pengesë e rëndësishme dhe përcakton një reduktim në aksesin ndaj shërbimeve shëndetësore."

Adelmo Calatroni

Përktheu: Valbona Spahia