Shtetet e Bashkuara norma të reja federale për të reduktuar merkurin e hedhur në mjedis. Detyrimet për klinikat dentare

Environmental Protection Agency e Shteteve të Bashkuara ka shpallur standardet për të reduktuar shkarkimin e merkurit dhe metaleve të tjera në ujërat e zeza nga klinikat dentare, që aktualisht i superon 5 ton në vit dhe sjell një dëmtim të madh të mjedisit.

Rregullat e reja do të hyjnë në fuqi së shpejti, edhe nëse ndërmarrjet dhe profesionistët do të kenë kohë deri në 2019 për t'u përshtatur. Sigurisht kjo do të kërkojë një impenjim financiar për stomatologët amerikanë, por Agjencia nuk e gjykon të tepërt, duke shpjeguar për shembull që përdorimi i një ndarësi për amalgamën do të sillte për klinikën dentare një rritje mesatare vjetore me rreth 800 dollarë. Për të tjerat, kujton EPA, janë tashmë mbi 100 mijë ato që i përdorin.

Normat e reja kërkojnë që procesi i trajtimit të amalgamës të jetë në gjendje të kënaqë dy kërkesa themelore: mbledhjen dhe riciklimin e mbeturinave të amalgamës dhe pastrimin deri në fund të njësisë dentare.
Përsa i përket ndarësve të amalgamës të cituar më lart, masa kërkon jo vetëm instalimin, por edhe përputhjen me disa kërkesa specifike, veçanërisht me standardet e parashikuara nga ANSI (American National Standards Institute) dhe ADA (American Dental Association), që parashikojnë të paktën 95% të efikasitetit në heqjen e materialit ndotës.

Rregullat e reja do të aplikohen në klinikat dentare, në shkollat e stomatologjisë dhe në klinikat që hedhin në ujërat e rrjetit komunal të shkarkimit, ndërkohë që do të përjashtohen strukturat që limitohen në trajtime të patologjisë orale, radiologjisë orale dhe maksilo-faciale, kirurgjisë orale dhe maksilo-faciale, ortodoncisë, parodoncisë dhe stomatologjisë protetike.

Reagimet e botës stomatologjike amerikane kanë qenë përgjithësisht pozitive. Sipas, Gary Roberts, president i ADA (shoqata e parë që i drejtohen dentistët amerikanë) kjo rregullore e re federale është saktësisht e preferueshme me normat e ndryshme që variojnë sipas shtetit dhe vendndodhjes.

Adelmo Calatroni

Përktheu: Valbona Spahia