Një kërkim anglez zbulon molekulën që riparon vetë dhëmbët: quhet GSK-3

Një qasje e re në stomatologjinë restaurative mund të lindë nga një proces i riparimit të thjeshtë, natyral dhe të shpejtë, eksperimentuar te kafshët, në një studim anglez nga skuadra e Paul Sharpe i "King's College" në Londër.
Molekula që shfaqet në gjendje të prodhojë një rezultat kaq befasues është GSK-3 ose glikogjen sintaza kinaza, e përdorur tashmë në mjekësi për qëllime komplet të ndryshme: për të kuruar sëmundje neurologjike si Alzhaimer. Në eksperimentin e kërkuesve anglezë, në fakt, GSK-3 ka arritur të stimulojë qelizat staminale që formojnë dentinën.

Siç vihet re dentina është një mineral vital që prodhohet te dhëmbët nga qeliza mezenkimale shumë të specializuara, odontoblastet: kur kompromentohet si pasojë e traumave ose nga infeksionet, indi pulpor i brendshëm mund të ekspozohet në ambientin e jashtëm dhe të infektohet. Riparimi klinik i dhëmbit të dëmtuar sjell sot përdorimin e agregateve minerale të përdorur për të mbushur hapësirën e krijuar pas heqjes së indit të kompromentuar.

Në të vërtetë kur indi i butë i pulpës së brendshme ekspozohet, aktivizohet natyrshëm një proces i riparimit që sjell rekrutimin e qelizave staminale mezenkimale tashmë të pranishme që diferencohen në qeliza të reja analoge me odontoblastet, që vetë ato sekretojnë një formë dentine riparuese. Megjithatë formimi natyral i dentinës terciare është i pamjaftueshëm për të riparuar në mënyrë efikase lezionet e gjera dhe bëhet kështu e nevojshme ndërhyrja e stomatologut për të zëvendësuar me materiale artificiale dentinën që është humbur.
Skuadra britanike ka përdorur sfungjerë të biodegradueshëm me kolagjen për të rilëshuar doza të vogla të GSK-3, molekulë që promovon proceset natyrale të formimit të dentinës riparuese. Me degradimin e sfungjerit me kalimin e kohës, dentina e zëvendëson atë deri sa të prodhohet një riparim i plotë, natyral dhe efikas. Bëhet fjalë vetëm për një hap të parë, por nëse kjo teknikë mund të thellohet aq sa të përdoret për pacientët njerëzor, mund të çojë në kalimin e shumë mbushjeve që sot janë të nevojshme, sepse dhëmbët do të riparoheshin vetë: kapacitet tashmë i pranishëm në lezione të vogla por që mund të rritet pikërisht falë GSK-3.

Adelmo Calatroni

Për më tepër: Neves VC, Babb R, Chandrasekaran D, Sharpe PT. Promotion of natural tooth repair by small molecule GSK3 antagonists. Sci Rep. 2017 Jan 9;7:39654.