Taksimi i pijeve me sheqer për të financuar kurat stomatologjike. Propozimi vjen nga Zvicra

Një taksë prej 20% për pijet me sheqer, për të financuar shpenzimet stomatologjike të të rinjve deri në 18 vjeç.
Propozimi vjen nga përgjegjësi për shëndetësinë e Qeverisë së Canton Vaud në Zvicër, që duke folur me shtypin kujton se "mendohet se shëndeti i dhëmbëve është një problem i zgjidhur në një Shtet si i joni, por në realitet nuk është kështu."

Taksa do të ndikonte me rreth 25 euro cent në koston e pijeve dhe do të kishte dy efekte, atë për të krijuar një fond për kurat stomatologjike të të rinjve dhe atë për të konsumuar më pak pije me avantazhe jo vetëm për shëndetin oral.

Me kohë World Health Organization, (Organizata Botërore e Shëndetit) kërkon një kufizim të konsumimit të sheqerit mbi bazën e elementeve të provës, që kanë të bëjnë me faktin se konsumimi i tepërt i sheqerit në dietën e përditshme çon në rreziqe për sëmundje jo të transmetueshme, si shtimi i pashëndetshëm në peshë.

Përktheu: Erjola Taga