Perioblast, një qasje e udhëhequr biologjikisht dhe e personalizuar për kurimin e periodontitit. E shpjegon ideatori i saj

"30 vitet e fundit, përpjekjet tona klinike dhe si kërkues janë përqendruar në gjetjen e një zgjidhjeje terapeutike për sëmundjen periodontale, efikase dhe potencialisht të qëndrueshme afatgjatë." Fjalët janë të Francesco Martelli, ideator i trajtimit Perioblast, që po shënon një sukses në rritje në Itali dhe jashtë.
Trajtimi është pjesë mbi të gjitha i një hetimi të thelluar të natyrës së infeksionit periodontal dhe të raportit të tij kompleks me sistemin imunitar të bartësit. Kuptimi i thellë i përcaktuesve biologjikë të sëmundjes ka sjellë në fakt zhvillimin e strategjive terapeutike gjithmonë e më të personalizuara edhe kundrejt atyre rasteve të periodontitit veçanërisht agresiv deri më sot të konsideruar të pakurueshëm.

Qasja është e udhëhequr biologjikisht dhe jo invazive, e bazuar në një itinerar të ashpër që parashikon: diagnozën, trajtimin, prognozën dhe mbajtjen e një plani sekondar parandalimi. Një diagnozë e sofistikuar e bazuar në kriterin e përsëritjes dhe të operatorit të pavarur (imazhe radiologjike 2D dhe 3D, të dhëna instrumentale dhe laboratorike) që mbështet mjekun në vlerësimin e tij subjektiv, vë në gjendje këdo që të verifikojë me sisteme dhe metoda objektive rezultatet e terapive të kryera dhe qëndrueshmërinë e tyre afatgjatë. Sot falë biologjisë molekulare dhe nëpërmjet një rrjedhe të thelluar diagnostikuese është e mundur të kuptojmë themelet biologjike të sëmundjes dhe të procesojmë kështu trajtime të personalizuara të bazuara në përdorimin e kombinuar të mikroskopit operator dhe të laserit. Kjo qasje inovative mundëson shmangien e pjesës më të madhe të ndërhyrjeve kirurgjikale duke eliminuar stresin dhe dhimbjen për pacientët dhe duke i stabilizuar shumë më mirë me protokolle adekuate të follow up.

Perioblast (PERIOdental Bio Laser ASsisted Therapy) bazohet në përdorimin e integruar të laserit, mikroskopit dhe analizave biomolekulare. Falë këtyre tre teknologjive është e mundur të kurojmë periodontitin edhe në format më agresive dhe shpesh të pabindura ndaj terapisë, pavarësisht florës bakteriale të përfshirë nga predispozita individuale e stileve të jetesës së pacientit dhe nga kapaciteti dhe eksperienca e profesionistit.
Efikasiteti i Perioblast është vlerësuar për më tepër nga publikimi në 2016 në revistën "European Journal of Clinical Microbiology and Infectious diseases" i një studimi multicenter dhe retrospektiv me numrin më të madh të pacientëve të patrajtuar ndonjëherë i realizuar në periodontologji (2.700 individë).

Adelmo Calatroni

Përktheu: Erjola Taga