Stresi redukton produktivitetin në klinikën dentare dhe shkakton dëme në shëndetin e mjekut. Kurimi falë një qëndrimi korrekt

Gjithçka fillon nga qëndrimi korrekt dhe nga pasojat që ai ka në kolonën vertebrale. Duhet të bëjmë të mundur që veshët të jenë sipër shpatullave dhe këto sipër ijëve, në këtë mënyrë, shprehet Timoty Caruso, posturolog dhe fizioterapist gjatë prezantimit të tij në Midwinter Meeting 2017 në Chicago, respektohen tre kurbaturat fiziologjike të kolonës vertebrale.

Lëvizjet përsëritëse të krahëve që lidhen me punën, nëse kryhen në një pozicion qëndrimi jo korrekt provokojnë lezione në disqet intervertebral që tentojnë të dislokohen dhe provokojnë patologji kronike degjenerative në kolonë me kufizime funksionale, dhimbje gjatë pushimit dhe theksim të kifozës dorsale.
Por pasojat e stresit mbi shëndetin shkojnë përtej kolonës vertebrale:
1) Hipertensioni
2) Hiperglicemia
3) Çrregullime të gjumit
4) Çrregullime alimentare me shtim të peshës trupore
5) Çrregullime të humorit me tendencë depresioni që mund të arrijnë në sindromën burnout
6) Plakja e parakohshme

Për të sintetizuar, thotë kërkuesi, "kemi saktësisht moshën e kolonës tonë vertebrale."
Parandalimi i stresit në ambientin e punës realizohet me:
1) Respektim të rregullave të ergonomisë dentare (të punosh ulur, me pacient të shtirë në hapësira jo të ngushta me katër duar ...)
2) Të përdorësh instrumentet e duhura për ndërhyrjen
3) Takime jo shumë të afërta me pauza të vogla nga një pacient në tjetrin
4) Përzgjedhje korrekte e sekretarisë në telefon për të shmangur futjen e urgjencave false midis takimeve të ditës
5) Të fusësh pacientë të vështirë në fillim të ditës së punës kur jeni më të freskët
Stil jetese korrekt
1) Aktiviteti fizik i moduluar në bazë të moshës dhe shijeve personale. Puna me pacientin ose në kompjuter, të ngasësh makinën apo të ushqehesh, janë gjithmonë në hiperfleksion të kolonës përpara, megjithatë është e dobishme të fusim streching me hiperekstension gjatë ditës së punës. Aktivitetet që ndihmojnë janë e ecura, noti, pilates, yoga, në mënyrë për të pasur zhdërvjelltësi dhe elasticitet artikulacionesh. Sintetizoj me ketë aforizëm të Caruso "motion is lotion" lëvizja mbron sistemin muskulo-skeletor.
2) Shplodhja
3) Jeta sociale
4) Ushqyerje e shëndetshme

Davis Cussotto

Përktheu: Erjola Taga