|

Sa duhet ta paguaj bashkëpunëtorin tim? Udhëzimet e ekspertit për të përcaktuar përqindjet e duhura

Është gjithmonë e vështirë në takimin e parë me një klient potencial që t'i përgjigjesh pyetjes: "Nëse paguaj një profesionist të jashtëm me 40% të arkëtimeve për zonën stomatologjike (apo për zonën e higjienës, etj.) a është një kompensim korrekt?"
Është e vështirë sepse për disa klinika stomatologjike 40% mund të jetë një përqindje e përballueshme: për të tjera jo.
Për t'iu përgjigjur në mënyrë adekuate, të saktë dhe të bazuar pyetjes, janë të nevojshme tre lloje analizash:
1) analiza historike e prirjeve ekonomiko-financiare të klinikës, që përcakton se cilat kanë qenë përqindjet e incidencës së tipologjive të ndryshme të kostos (fikse dhe të ndryshueshme) krahasuar me arkëtimet apo të ardhurat e përftuara gjatë 3/5 vitesh, duke konsideruar të gjitha performancat stomatologjike në kompleksin e tyre

2) analiza historike e prirjeve ekonomiko-financiare për secilën zonë, që llogarit incidencat, por relativisht me një apo më shumë kategori performancash stomatologjike (higjiena, konservativa, ortodoncia, etj.)

3) simulimi (buxheti) i mirëmbajtjes së ekuilibrit ekonomiko-financiar me hipotezën e futjes së kostove të reja të menaxhimit

Marrim një shembull - treguesi i qartë i shumave [1] - për të sqaruar këtë koncept.
Supozojmë vlerësimin e futjes së një personi të ri në skuadër (si bashkëpunëtor i jashtëm) dhe që ky i fundit na kërkon si kompensim një përqindje të barabartë me 30% të arkëtimeve të përftuara.
Si mund të verifikoj përballueshmërinë për klinikën time?
Pas kryerjes së analizave historike të kostove për zonën në fjalë, përcaktojmë rezultatet e mëposhtme:

(*) përfshihet kompensimi i Drejtuesit dhe fitimi i dëshiruar

Analiza na konfirmon se futja e një bashkëpunëtori të ri me një kompensim 30% të arkëtimeve të përftuara rezulton i përballueshëm, në fakt marzhi final mbetet pozitiv:

(*) përfshihet kompensimi i Drejtuesit dhe fitimi i dëshiruar
(**) është shtuar 30% e kostos së bashkëpunëtorit

Nëse, për shembull, incidenca e kostove fikse do të ishte më e madhe dhe e llogaritur me 60% të arkëtimeve të përftuara:

(*) përfshihet kompensimi i drejtuesit dhe fitimi i dëshiruar
(**) është shtuar 30% e kostos së bashkëpunëtorit

Rezulton në fakt që kompensimi i kërkuar nuk është i përballueshëm nga klinika vetëm nëse unë nuk zgjedh të kem humbje në atë zonë të caktuar pasi është funksionale për performanca të tjera me fitim të lartë.
Duket qartë se një analizë e thelluar e kostove të klinikës dentare dhe futja e një sistemi për buxhetin konstant mundëson mbajtjen pozitive të fitimit të performancave të veçanta stomatologjike dhe gjithashtu të ekuilibrit ekonomik dhe financiar të përgjithshëm.

Nën kujdesin e: Massimo Depedri: Konsulent ekonomiko-financiar dhe fiskal, ekspert në Kontrollin e Menaxhimin, themelues i aula41
________________________________________
[1] Shembulli qëllimisht është thjeshtuar shumë (p.sh nuk merren parasysh ndryshimet domethënëse në arkëtim) për nevoja sqaruese. Në realitet faktet e importuara dhe llogaritjet relative, janë natyrisht më shumë se komplekse. Ajo që na duket e rëndësishme në këtë njësi është të provojmë logjikën bazë me të cilën llogariten kompensimet për bashkëpunëtorin e jashtëm.

Përktheu: Erjola Taga

Për të votuar duhet të vendosni kredencialet tuaja në Medikey

Interesant ( 64 votim / mesatar 3 )