Më shumë adoleshente te dentisti, por ka akoma shumë keqinformim rreth kariesit. Nga hetimi i kryer nga AIC, dritë dhe hije edhe mbi "zakonet" e dentistëve

Dritë dhe hije nga hetimi EduCarie i "Accademia Italiana di Odontoiatria Conservativa e Restaurativa (AIC)" i prezantuar gjatë Kongresit të 19 Internacional CONSEURO kohët e fundit të përfunduar në Bologna.
Rritet risku i kurave stomatologjike: 12 muajt e fundit, 9 prindër nga 10 deklarojnë se kanë qenë ose kanë shoqëruar fëmijët e tyre te dentisti të paktën një herë për një kontroll ose për një problem specifik dentar, por është akoma shumë e dobët njohja e rregullave të parandalimit të kariesit dhe shumë pak e njohur diagnoza e hershme dhe korrekte. Nga stomatologët vetëm 30% e dentistëve kryejnë rregullisht mini RX që kanë saktësi më të lartë diagnostikuese dhe pothuajse 20% e dentistëve përdor digë.

Nga hetimi i realizuar në 1000 prindër me fëmijë nën 14 vjeç, del në pah se, edhe pse 90% e tyre afirmojnë se kanë shkuar te dentisti dhe se i kanë çuar dhe fëmijën e tyre të paktën një herë gjatë vitit të fundit, janë të shumta pyetjet e paqarta që lidhen me shëndetin oral.

Më shumë se 50% injoron se teprica e sheqerit apo një higjienë e dobët orale janë ndër përgjegjësit më të mëdhenj të kariesit, 64% nuk di se kjo mund të evoluojë në pak muaj. Të paktën 20% di se kariesi që ka pikun e tij të incidencës në 6, 25 dhe mbi 70 vjeç, mund të shfaqet në çdo moshë dhe jo vetëm te fëmijët; më shumë se 50% nuk e di se dhëmbët e qumështit me karies, një problem për 640 milion persona nën 6 vjeç në botë duhet të kurohen për mirëmbajtjen e shëndetit oral.

Por nga hetimet del në pah kritika edhe kundrejt dentistëve.

"Shumë të pakta deri më tani janë diagnozat korrekte dhe të shpejta, por italianët nuk dinë se cila është rrjedha e duhur që të arrijnë të njohin kariesin mirë dhe në kohë" dëshmojnë nga AIC duke nënvijëzuar se rezultatet e hetimit tregojnë se 52% mendon se diagnoza e kariesit mund të kryhet më mirë me një vizitë dhe një radiografi panoramike.

"Nuk është e vërtetë: vetëm vizita nuk "shikon" pjesën më të madhe të kariesit, mbi të gjitha atë të vogël ndërmjet dhëmbëve. Goja më pas duhet të pastrohet, thahet dhe zmadhohet për të mundur vërtetë që të vlerësohet gjendja e dhëmbëve: nëse për shembull para nuk hiqet pllaka bakteriale është sikur një karrocier të kërkonte të vlerësonte një dëm të makinës pa e larë më parë - shpjegojnë Federico Ferraris, përgjegjës i projektit hAICarie dhe Giovanni Sammarco, anëtar i komisionit të projektit - Edhe panoramika e përdorur nga 70% e dentistëve nuk ka një saktësi të mjaftueshme sepse ka një koeficient distorsioni dhe zmadhimi 15-30% dhe mbi të gjitha janë gjithmonë të pranishme mbivendosje të strukturave dentare. Testet radiologjike më efikase janë radiografitë e vogla endo-orale që sot përdor vetëm 30% e dentistëve, që duhet përsëritur rregullisht (çdo 6 apo 12 muaj) ose më rrallë në bazë të shkallës së riskut për të zhvilluar karies te një pacient i vetëm: në këtë mënyrë mund të shikohen dhe karies i vogël sipërfaqësor, për ndërhyrje që më pas rezultojnë pak invazive, më të thjeshta dhe më pak të kushtueshme krahasuar me zgjidhjen e një kariesi të thellë. E rëndësishme dhe diga, për të ndërhyrë me siguri në dhëmbë të dukshëm mirë dhe të thatë por dhe në këtë rast vetëm 20% e dentistëve e përdor: ja përse shpjegimi se cilat janë modalitetet korrekte për diagnozën e hershme të kariesit është zemra e projektit tonë hAICare që tani dhe deri në fund të vitit do të sjellë në të gjithë rajonet kurse formimi prej 4 orësh, secili dedikuar dentistëve."
Në fund të vitit do të jenë rreth 4000 stomatologët e formuar me objektivin që një numër gjithmonë e më i madh kolegësh të adoptojë teknikat që mund të identifikojnë kariesin gjithmonë e më herët për t'i garantuar kështu pacientëve kura më të mira, më pak të dhimbshme dhe më pak invazive, kujtojnë AIC.

Më poshtë janë disa nga të dhënat e marra nga hetimi:

• 90% e prindërve deklaron se ka qenë ose ka shoqëruar fëmijët e tij te dentisti të paktën një herë në 12 muajt e fundit, nga këta më shumë se 50% vetëm një herë me maksimum prej 61 dhe 55% në Jug dhe në Ishuj, 30% të paktën disa herë, 10% më shumë se dy herë
• Më shumë se gjysma e prindërve nuk e di se ushqimi shumë i pasur me sheqerna ose mungesa e higjienës orale provokojnë karies
• Pothuajse 20% di se kariesi mund të lindë në çdo moshë dhe nuk prek vetëm fëmijët
• Më shumë se 60% injorojnë se kariesi mund të evoluojë në harkun e pak muajve
• Më shumë se 55% e prindërve nuk di se dhëmbët e qumështit me karies duhen kuruar sepse mund të dëmtojnë ose pengojnë lindjen e dhëmbëve të përhershëm
• Rreth 70% ka një fobi të vërtetë nga dentisti
• 33% i lan dhëmbët vetëm një herë në ditë dhe 25% kur kujtohet ose kur ka kohë
• 25% e personave nën 14 vjeç i lan dhëmbët vetëm nëse prindërit i thonë që ta bëjnë
• Vetëm 30% e dentistëve kryen rregullisht mini RX që kanë saktësinë më të madhe diagnostikuese
• Pothuajse 20% e dentistëve përdor digën, një fletë gome që izolon dhëmbin nga lagështia e gojës, që mundëson një zonë dentare të thatë dhe mjaft të dukshme, e nevojshme për një trajtim korrekt.

Përktheu: Erjola Taga