Marketingu i përmbajtjeve. Të bindësh pacientin "apostull" që të flasë mirë për ju

Përhapja e fjalës realizohet në ndërveprim midis klinikës dhe pacientit. Komponentëve klinik, të cilëve nuk mund t'i aplikohet skonto, i shtohet ai organizativ dhe i marrëdhënies. Në këto të fundit, niveli i kënaqësisë së pacientit do të jetë forcërisht i kompromentuar.
Pacienti formulon një gjykim organizativ dhe rreth marrëdhënieve me dentistin, shumë më përpara se të shkojë në klinikë dhe t'i shtrëngojë dorën.

Për të bërë këtë bazohet te komunikimi në ueb (siti, facebook, skeda google my businness dhe fan page në facebook). Kur pacienti del nga klinika në përfundim të shërbimit, nëse do të jetë më se i kënaqur do të përhapë fjalët pozitive me tregimin e eksperiencës së jetuar te personat e tjerë.
Konteksti sot është bërë shumë i pasur nga kontributi i teknologjisë informatike. Smartphone-t që të gjithë kemi në xhep japin akses të menjëhershëm në ueb dhe mund të bëjnë viral (ose të amplifikojnë) mesazhin e përhapjes së fjalës duke e shpërndarë me shpejtësi në një numër shumë të madh personash.
Është detyrë e jona që t'i mundësojmë pacientit "apostull" (më pëlqen ta quaj kështu atë që të dërgon miq dhe të afërm pasi ka besim të madh te ty) instrumentet që përdor për të promovuar falas aktivitetin tonë (facebook, profili whatsApp) me telefonin e tij smart.

Sot njerëzit janë të lodhur nga ndërprerjet publicitare invazive dhe të vjetruara të gazetave, posterave, radiove dhe televizioneve që i ndërpret dhe i shpërqendron personat nga ajo që po bënin.
Me smartphone dhe tablet, në fakt njerëzit i dedikojnë kohë asaj që kanë zgjedhur vullnetarisht për të marrë (chat, rrjete sociale, rezultate të një kërkimi në Google, video në You Tube, muzikë dhe newsletter). Në fakt është qartësisht në kundërshtim me publicitetin tradicional që ndërpret aktivitetet, i ashtuquajturi marketingu i përmbajtjeve.

Kush lundron në rrjet shkon në kërkim të përmbajtjeve që e ndihmojnë të zgjidhë një problem.
Për të arritur objektivin për të tërhequr pacientë potencialë që nuk të njohin, është e nevojshme që ti t'i ndihmosh në një farë mënyre (t'u shpjegosh atyre çfarë është kafshimi gjatë natës ose çfarë duhet të bëjë një diabetik me sëmundje periodontale).

Ky është marketingu i përmbajtjeve ose thjesht "të ndihmosh të tjerët" që siç thoshte Sofokliu sigurisht neutral pasi ka jetuar para periudhës së internetit, është "aktiviteti njerëzor më i bukur."

Marketingu i përmbajtjeve më pëlqen për tre arsye:
1) është etik dhe në një linjë të përkryer me etikën profesionale;
2) rivlerëson imazhin e dentistit që të mos e harrojmë është një profesion intelektual;
3) na kualifikon si lider të mendimit, figurë të cilës mund t'i drejtohemi për këshillim.

Nëse ofrojmë vlerë do të marrim në këmbim besim dhe dikush herët ose vonë do të vendosë që të vijë dhe të na shtrëngojë dorën në klinikë.

Davis Cussotto

Përktheu: Erjola Taga