Mjekësia e mirëqenies e aplikuar nga Ekipi stomatologjik. Ja sesi funksionon dhe lufton stresin

Francesco Balducci është një mjek i specializuar në odontostomatologji, i cili ka ushqyer gjithmonë një interes të fortë kundrejt mjekësisë parandaluese dhe studimit të stileve të jetesës duke favorizuar një plakje të suksesshme. Përkufizohet "një atlet" duke qenë se ka praktikuar dhe praktikon akoma aktivitete të ndryshme sportive. Nga 2003 ka marrë Diplomën Master në Metodologjitë Antiaging dhe Antistress në Universitetin Sapienza, Romë.

Ka kohë që ka reduktuar aktivitetin stomatologjik për t'iu dedikuar atij mjekësor antiaging (kundër plakjes). Kam pasur rastin që ta njoh duke marrë pjesë në një prezantim të tij mbi kontrollin e stresit në ekipin dentar. Përfshirja që ka arritur të krijojë midis pjesëmarrësve është befasuese. Kam parë kolegë që në fund të ditës së punës uleshin këmbëkryq në tapet për të ndjekur ushtrimet e frymëmarrjes dhe përmbyteshin me kërkesa.
Nuk mund të mos i bënim Francesco-s disa pyetje që të ndanim me ju vizionin e tij.

Çfarë është saktësisht mjekësia antiaging dhe si vepron?
Mjekësia antiaging është mjekësia e mirëqenies dhe e shëndetit dhe është mjekësia e vërtetë parandaluese dhe parashikuese, duke lejuar kushtëzimin e llojit të plakjes dhe duke shmangur lindjen e sëmundjeve degjeneruese që lidhen me moshën dhe zakonet e jetës së përditshme. Shtyllat kryesore të mjekësisë antiaging janë 6:
1) Ushqyerja sipas natyrës dhe jo sipas modës
2) Aktiviteti fizik konstant gjatë gjithë kohës
3) Menaxhimi i stresit
4) Shtesat ushqimore specifike dhe të personalizuara
5) Eliminimi ose reduktimi i ndotësve ambientalë
6) Kontrollet periodike të vlerave "spiune" të patologjive të mundshme

Më shumë se gjysma e stomatologëve italianë janë mbi 50 vjeç. Na jep tre këshilla për të qëndruar në shëndet të mirë?
Pas të pesëdhjetave realizohet nga ana fiziologjike e ashtuquajtura "endocrinosenescenza", ose rënia e hormoneve anabolike që haset më së shumti në seksin femëror gjatë menopauzës dhe i gjithë grupi i simptomave që e shoqërojnë atë. Edhe mashkulli duhet të përballet me deficitet e hormoneve androgjene dhe sarkopenine që e ndjek (rënia e forcës dhe masës muskulore) rënia e libidos dhe shtimi i dhjamit në organet e brendshme, shtimi i incidencës së sëmundjeve kardiovaskulare, risku i depresionit.
Këto janë këshillat e mia:
1) Shmangni dembelizmin dhe vazhdoni të praktikoni një aktivitet sportiv ose filloni të lëvizni nëse nuk e bënit më parë
2) Leximi ose rinovimi i qëllimeve dhe objektivave për të stërvitur mendjen
3) Ushqyerja korrekte duke përdorur nëse është e nevojshme shtesat ushqimore sipas kërkesave personale

Punon prej 30 vitesh në një klinikë dentare dhe e di sa të shumta janë rastet dhe shkaqet e stresit, çfarë mund të bëjmë për ta kontrolluar?
Njoh shumë mirë të gjithë faktorët e mundshëm stresues ndaj të cilëve jemi subjekt në studimet tona. Vitet e fundit situata është përkeqësuar ndjeshëm nga pikëpamja burokratike me detyra dhe përgjegjësi që kanë rënduar ngarkesën e punës me komponentë të rremë dhe parazitar. Megjithatë kriza e mirënjohur me konkurrencën e egër është e pakontrolluar dhe krijimi i supermarketeve të dhëmbëve me kosto të ulët kanë gjeneruar në shumë stomatologë një sens pasigurie që shfaqet dukshëm. Ky stres duhet të menaxhohet për të penguar shtypjen. Një rrugë është sigurisht sublimimi duke u strukur në të ashtuquajturin "vend privat", i paprekshëm dhe jo i aksesueshëm nga stressors (elementet stresuese). Vendi privat është mënyra jonë e kënaqësisë dhe argëtimit kur gjejmë strehim çdo herë që i ndiejmë nevojën. Në rastin tim është kayak në lumë, me të cilin zbres shtigje të mrekullueshme uji të egër larg çdo turbullimi, ose leximi i klasikëve grekë dhe romaneve. Secili mund të gjejë këndin e tij të parajsës duke përkëdhelur ëndrrat dhe dëshirat e tij. Meditimi dhe praktikimi i Yoga-s me ushtrime të frymëmarrjes dhe mantra, mundra janë ndihma supreme në menaxhimin e stresit kronik.

Përse kontrolli i frymëmarrjes është kaq i rëndësishëm?
Frymëmarrja është unaza e vijimësisë midis psikikës dhe soma-s, midis mendjes dhe trupit dhe mund të ekuilibrojë sistemin tonë nervor autonom. Një frymëmarrje abdominale, diafragmatike, e ngadaltë dhe të kontrolluar është në gjendje të luftojë premisat ortosimpatike me ndërmjetësim të adrenalinës që manifestohet gjatë stresit të pamenaxhuar. Janë të rëndësishme disa ushtrime të frymëmarrjes për të përftuar një teknikë antistres.

Davis Cussotto

Përktheu: Erjola Taga