Komunikimi nëpërmjet uebit. Këto janë 6 rregullat që dentisti duhet të marrë në konsideratë

Uebi vlon nga persona në kërkim të informacionit shëndetësor për të zgjidhur problemet personale apo të ndonjë të afërmi. Për dentistin sot është e domosdoshme që të jetë i pranishëm atje ku pacientët e kërkojnë; për këtë Google dhe Facebook janë bërë instrumente pune.
Nëse je i bindur si unë, që objektivi i dentistit është që të ketë pacientë të cilëve t'u shtrëngojë dorën dhe që Google dhe Facebook nuk janë një pasqyrë e Narcizos për hir të vetvetes, por një vend në të cilin duhet thjeshtë të jesh i pranishëm në mënyrë që të tjerët të të gjejnë, lexo atëherë më kujdes 6 rregullat themelore të komunikimit në ueb për dentistin:
1) Mos ndërprit
Njerëzit janë të lodhur nga ndërprerjet publicitare invazive dhe të vjetruara të gazetave, pankartave, radiove dhe televizioneve, që shpërqendrojnë konsumatorin nga ajo që po bën (e ndërpret). Me telefonat smart dhe tablet-ët personat sot i dedikojnë kohën e tyre asaj që kanë zgjedhur vullnetarisht të marrin (chat, rrjete sociale, rezultate nga një kërkim në Google, video në You Tube, muzikë dhe newsletter). Të gjitha këto aktivitete janë quajtur nga ekspertët Inbound Marketing që mund ta përkthejmë në hyrje dhe që kundërshton hapur publicitetin tradicional që ndërpret aktivitetet tona (Outbound ose Interruption).

2) Ndërto
Ndërto Markën tënde (Brand, klinikë dentare dr. Emri Yt) dhe sitin tënd ueb, me qëllimin që i pari të jetë i denjë që të tërheqë dhe i dyti të mund të bëhet pika e referimit në komunitetin në të cilin punon për informacionet mbi shëndetin, mirëqenien, parandalimin etj. dhe e gjitha do të rrotullohet përreth sitit tënd si një lloj qendre e një aeroporti të madh.

3) Ndihmo
Ndihmo pacientët e tu potencialë, duke i mundësuar informacionet që kërkojnë (mosha e ndërrimit të dhëmbëve të qumështit) dhe duke zgjeruar përmbajtjet e dobishme (Marketingu i përmbajtjeve) nëpërmjet blogut (seksioni i sitit ueb që përmban lajmet). Kështu do të dëshmosh vlera duke u bërë një lider i mendimit dhe ata do të jenë mirënjohës duke ndarë atë që duan te ty (blogu yt) me miqtë e tyre (përhapja e fjalës dixhitale) dhe në momentin e nevojës do të vijnë të të shtrëngojnë dorën.

4) Tërhiq dhe bisedo
Tërhiq me Google dhe me rrjetet sociale (Facebook). Këto janë vendet ku njerëzit gjejnë, kërkojnë dhe shkëmbejnë informacione. T'i tërheqësh drejt përmbajtjes në temën e parandalimit, shëndetit dhe mirëqenies duke u gjendur në këto vende. Komuniko në Facebook nëpërmjet bisedimit ose ndërveprimit me pacientin potencial, pa harruar kurrë që ky nuk është objektivi yt por mjeti që do të lejojë që ta arrish atë. Pa nxitim, pa forcuar dorën e tyre kujto thjesht që je i pranishëm: do të kërkojnë në momentin e nevojës.

5) Kënaqësia
Mos i lër pas dore pacientët në kurë që kanë besim te ti. Vazhdo të ndërveprosh me e-mail dhe Facebook, janë ata forca jote e vërtetë sepse mund të bëhen apostuj që mbrojnë përhapjen e fjalës, si në ueb, si në bar apo në supermarket. Pacienti i kënaqur që ka jetuar një eksperiencë emocionale, superiore në krahasim me pritshmëritë e veta, do të sjellë të tjerë.

6) Masa
Të dhënat janë busulla për rrotën tënde. Numëro pacientët e rinj që vijnë nga uebi me skedën në pamje të parë dhe përdor instrumentet për të matur efikasitetin e fushatës (Google Analitic dhe insight në facebook). Gjithçka është e përmirësueshme.

Davis Cussotto

Përktheu: Erjola Taga