Dentistët dhe publiciteti. Ja sa investojnë, ku investojnë dhe a janë të kënaqur

Dashuri dhe urrejtje midis dentistëve dhe publicitetit. Nga njëra anë stomatologjia e organizuar me fushata prej miliona eurosh dhe nga ana tjetër dentistët tradicionalë që kërkojnë që të njihen duke përdorur instrumente të ndryshme komunikimi në territor dhe ata që nuk duan t'ia dinë duke e konsideruar një instrument negativ për imazhin e kategorisë.

Por sa janë klinikat që përdorin publicitetin që të njihen, ku dhe kur investojnë?

Odontoiatria33 në 2014 i kishte kërkuar dentistëve italianë nëpërmjet një sondazhi telefonik për një kampion përfaqësues të dentistëve dhe në muajin maj të këtij viti i është përgjigjur të njëjtave pyetje por këtë herë nëpërmjet uebit gjithmonë me një kampion përfaqësues stomatologësh.

Gjatë këtyre tre viteve dentistët duket se janë afruar më shumë me publicitetin: në 2014, 15% kanë deklaruar se e bëjnë, sot kanë pranuar se përdorin një instrument promocional 21% e kampionit.

Instrumentet e përdorur janë ata që synojnë promovimin e klinikës në territor si ndërhyrje publicitare në gazetën lokale (e përdorur nga 23% e kampionit), postera publicitar në rrugë (12%), fletëpalosje (11%) dhe kupona dhuratë të llojit Groupon (7%).

Instrumenti më i përdorur nga dentistët italianë për promovimin e vetë klinikës është Google dhe Facebook, instrumente të zgjedhur nga 47% e atyre që kanë aktivizuar fushatat publicitare.

Rrjetet sociale dhe Uebet e zgjedhura, me shumë mundësi dhe për kosto më të ulëta në krahasim me letrën e printuar apo forma të tjera komunikimi. Në fakt duke analizuar sa kanë investuar dentistët në një vit për publicitetin zbulojmë se 66% ka shpenzuar më pak se 2 mijë euro, 23% më pak se 5 mijë, 7% më pak se 10 mijë euro ndërsa 4% më shumë se 10 mijë euro.

Dentistë mesatarisht shprehen të kënaqur nga rezultatet e përftuara, të paktën 40% e tregon, ndërsa 21% nuk kanë qenë të kënaqur. Nuk kanë arritur në fakt që të vlerësojnë efikasitetin e investimit 38% e kampionit.

Norberto Maccagno

Përktheu: Erjola Taga