Rritja e të ardhurave pa rritur numrin e pacientëve. Sipas ekspertit mjafton të reduktosh kostot. Ja 5 këshilla se si t'ja dilni

Jo gjithmonë të rritësh faturën është rruga më e mirë për të rritur të ardhurat e klinikës. Ka një parametër të cilit duhet t'i kushtoni vëmendje: Shpenzimeve!
Të kontrollohen daljet është një mënyrë e thjeshtë por shpesh neglizhohen në mënyrë që të krijohen përfitimet.

Ja se cilat janë pesë hapat që duhen përmbushur për të monitoruar daljet sipas këshillave të Chloeann Gordon përgjegjës i Frontier Group, shoqëri konsulence Kanadeze:
1) Ekzaminimi i bilanceve tremujore të klinikës (hyrjet/daljet), sot ka software që mund të të ndihmojnë. Krahasimi i bilancit me vitet e mëparshme për të njëjtën periudhë të vitit. Duke analizuar me kujdes daljet dhe ndryshimet e mundshme për kapitullin, mund të vendoset se ku duhet kursyer.

2) Analizimi i raporteve me furnizuesit i kryer nga personi përgjegjës për blerjet. Ekzistojnë shërbime të reja (portale online, oferta....) që mund të përmirësojnë biznesin. Nëse shuma e blerjeve është e madhe atëherë është e justifikuar një marrëveshje komerciale për blerjen e artikujve të caktuar.

3) Shpenzimet e punonjësve për faturimet vjetore rreth 1 milion euro duhet të jenë rreth 10% e shumës. Nëse është shumë më shumë nuk është e thënë që duhet pushuar nga puna punonjësi por thjesht duhet të fillosh të vlerësosh mundësinë për të investuar në teknologji të reja që të reduktosh shpenzimet e punonjësve për shembull duke rritur shkallën e informatizimit në klinikë.

4) Krijo një "buxhetim" mujor të shpenzimeve për materialet e konsumit. Shpenzimi fiziologjik është 6% e faturimit mujor. Nëse për shembull faturimi mujor është 50.000€, buxhetimi do të jetë 3000€/muaj. Për të qëndruar brenda qëllimit porosit vetëm atë që të duhet, gjej produkte më të mira dhe më të leverdishme, paguaj me kartë krediti për të zvogëluar flukset financiare.

5) Ka gjithmonë hapësirë për përmirësime: të kontrollohet në mënyrë periodike situata financiare është mënyra më e mirë për të mbajtur nën kontroll shpenzimet dhe për të rritur përfitimet pa qenë nevoja që të rritet prodhimi.

Nën kujdesin e: Davis Cussotto, profesionist i lirë stomatolog.

Përktheu: Valbona Spahia